Халкъла арасы ачха фонд
From Wikipedia, the free encyclopedia
Халкъла арасы ачха фонд, ХААФ (ингил. International Monetary Fund, IMF) — БМО-ну специализацияланнган учреждениясыды, штаб-фатары Вашингтондады (АБШ).
Халкъла Арасы Ачха Фонд International Monetary Fund (IMF) | |
Къошулгъан къралла | 186 кърал |
Штаб-фатарыны тургъаны | Вашингтон, АБШ |
Толтуруучу директор | Кристин Лагард[1] |
Ишлеген тил | Ингилиз тил |
Къуралыуу | 27-чи декабрь, 1945 |
Официал сайты | http://www.imf.org/ |
1944 джылдны 22-чи июлунда бардырылгъан БМО-ну валюта-финанс сорууларыны юсюнден Бреттон-Вудс конференциясында келишиуню тамалы къабыл этилгенди (ХААФ-ны Хартиясы). ХААФ-ны концепциясыны къурауда эм уллю юлюшню, ингилиз делегациягъа башчылыкъ этген Джон Мейнард Кейнс бла АБШ-ны кърал секретарыны орунбасары Гарри Декстер Уайт къошхандыла. Келишиуню ахыр вариантына 29 къралны келечиси 1945 джылны 27-чи декабрында къол салгъандыла, ХААФ-ны туугъаны кюнюда ол кюн саналады. Бреттон-Вуд системаныы бёлеги кибики, ХААФ кесини ишин 1947 джылны 1-чи мартында башлагъанды. Ол джыл огъунакъ Франция биринчи кредитни алады.[2] Бусагъатда ХААФ-да 186 кърал бирлешибди, аны структураларында 3500 чакълы бир адам ишлейди.
ХААФ, къралны тёлеу балансыны дыккылыгъы болса къысха эмда орта болджаллы кредитле береди. Кредит бериу бла бирге, кърал ситуацияны тюзетиуде башына талай борч алады.
ХААФ-ны айный тургъан къраллагъа политикасы эмда рекомендациялары, кёб кере сёгюлгендиле, кёблени оюмларына кёре кредит бериу бла кърал башына алгъан борчланы толтуруу, къралда ситуацияны тюзетир орнуна, къралны экономиксыны аягъына сюер орнуна аны халкъла арасы финанс агъымлагъа байламлы этеди, бойсундурады.