Gwiryow denel ha chanj an hin
From Wikipedia, the free encyclopedia
Gwiryow denel ha chanj an hin yw franweyth tybyansel ha laghel rag an studhyans ha dielvennans a wiryow denel kesgwlasek ha'ga ferthynnyans dhe dommheans ollvysel. Yntendys yw dhe vos usys gans governansow, kowethyansow an Kenedhlow Unys, kowethyansow ynter-governansel ha di-wovernansel, avonsyoryon gwiryow denel ha'n kerghynnedh hag akademogyon dhe lewya policis kenedhlek ha kesgwlasek ow tochya chanj an hin yn-dann Akordyans Framweyth an Kenedhlow Unys ow tochya chanj an hin, ha maynys alhwedhel gwiryow denel kesgwlasek. Yn 2022, Bagas Oberi II a gomendyas an tybyans y tal "justis hin komprehendya justis a gevrenn displegyans ha gwiryow denel dhe gollenwel fordh a vos erbynn chanj an hin selys war wiryow".
Dielvennans gwiryow denel ha chanj an hin a fogell war an sewyansow desevys dhe dus effeythys gans happyansow ollvysel kerghynedhel ow komprehendya nivel mor ynkressys, efanheans diffeythtir, ynkressyansow tempredh, studhyow kewer ha chanjyow kodhans, keffrys ha musuryow aswiwa ha lehe kemerys gans governansow avel gorthyp dhe'n happyansow ma a vysk gwiryow denel po difresyans laghel. Lies sort a dhyghtyans laghel chanj an hin a us an gwir rag kerghynnedh yagh po gwiryow natur dhe avonsya gwriansow nowydh po essensek gans governansow po kowethyansow privedh rag surhe justis hin y'n breuslysow. Gwiryow erel selvenel kevrennys dhe'n gwir ma yw an gwiryow rag bewnans, boos, dowr ha yeghes.
8 Hedra 2021, Konsel Gwiryow Denel an Kenedhlow Unys a gomendyas ervirans a aswonn gwir person a-barth kerghynnedh saw, glan, yagh ha sostenadow.