Albertus Speer
From Wikipedia, the free encyclopedia
Bertholdus Conradus Hermannus Albertus Speer (natus Manhemii die 19 Martii 1905; mortuus infarctu cordis repente Londinii, ubi propter colloquium percontativum cum BBC erat, die 1 Septembris 1981) fuit architectus et vir publicus Nazista. Alumnus fuit Universitatis Carolsruhensis, deinde Universitatis Technicae Monacensis, ultimo Universitatis Technicae Berolinensis ubi discipulus fuit Henrici Tessenow. Post Friderici Todt mortem die 8 Februarii 1942, Speer etiam armarum et telarum minister et in ultimo consilio ministrorum Schwerin de Krosigk Administer Imperii Oeconomiae fuit. A mense Augusto anni 1941, Speer legatus ad Diaetam Imperii Germanici fuit.
Anno 1946 inter causam Norimbergae contra nazistas, Speer in ius vocatus est, et die 1 Octobris 1946 in viginti annos carceris damnatus est. Inter et post iudicium, Speer fidem fecit paenitentiae suae.