Asia austro-orientalis
From Wikipedia, the free encyclopedia
Asia austro-orientalis,[1] vel austrorientalis,[2] vel etiam meridio-orientalis[3] et meridiorientalis,[4] comprehendit
- continentalis Asiae regionem nomine paeninsulae Indosinensis notam, quae ab India orientem versus et a Serica meridiem versus procedit;
- magnarum parvarumque insularum catenam, olim Indias Orientales nuncupatam, quae inter oceanos Indicum et Pacificum iacent et ab extremitate Asiae usque ad septentrionalia Australiae litora extenduntur.
Haec regio, partim continentalis, partim insularis, res publicas Birmaniam, Bruneium, Cambosiam, Indonesiam, Laotiam, Malaesiam, Philippinas, Singapuram, Thailandiam, Timoriam Orientalem, Vietnamiam comprehendit.
Limes inter Asiam et Australasiam politicus insulam Novam Guineam dividit, provincia Papua Indonesiae ad latus occidentale iacente, re publica Papua Nova Guinea ad orientale. Limes zoogeographicus, quem primus descripsit Alfredus Russel Wallace, Indias Orientales vel archipelagum Malaium permeat.