Henricus Adams
From Wikipedia, the free encyclopedia
Henricus Brooks Adams (16 Februarii 1838ā27 Martii 1918) fuit historicus Americanus et sodalis familiae politicae Adamsianae, progenies duorum praesidum Civitatum Foederatarum. Fratres tres habuit, videlicet Ioannes Quintius et Carolus Franciscus natu maiores, Brooks natu minor.
Obitus: 27 Martii 1918; Vasingtonia
Patria: Civitates Foederatae Americae
Familia
Coniunx: Marian Hooper Adams
Memoria
Henricus Adams, iuvenis Collegii Harvardiani alumnus, fuit scriba patris, Caroli Francisci Adams, legati Abrahami Lincoln Londinii missi, munus quod homini iuniori magni momenti fuit, per experientiam ambo diplomatiae tempore Belli Civilis Americani et culturae Britannicae, praecipue in operibus Ioannis Stuart Mill. Bello confecto, factus est diurnarius politicus qui principes Americae intellegentes in suis domiciliis Vasingtoniae et Bostoniae excepit.
Adams iam vivus libro History of the United States during the Administration of Thomas Jefferson innotuit, opere voluminum novem, ob stilum litterarium laudato, sed aliquando ob indiligentiam reprehenso. Suae memoriae, Educatio Henrici Adams, post mortem divulgatae, Praemium Pulitzeranum abstulerunt, et deinde nominatae sunt a The Modern Library liber non fictionis Anglicus saeculi vicensimi maximi momenti.