Mons Porphyrites
From Wikipedia, the free encyclopedia
Mons Porphyrites (his diebus Jabal Abu Dukhkhan appellatus) est nomen lapicidarum temporis Romani in orientalibus Aegypti desertis. Fere 45 chiliometra a mari ad viam Caenopolim in valle Nili fluminis et Myum Hormum (Abu Sha’ar Al-Qibli), quae urbs Rubro mari adiacet, connectens atque 55 chiliometra ab Hurghada in occidentem versus situs est. Mons e saxis igneis praecambrianis constat. In lapidicinis porphyrites coloris purpurei vel nigri albis vel roseis crystallis spathi obsitus effodiebatur, qui rarissimus repertus et ideo maximi pretii erat. Porphyrites imperialis tantum in parvo spatio fere sex chiliometrorum quadratorum invenitur.