Раким
американски рапер / From Wikipedia, the free encyclopedia
Вилијам Мајкл Грифин Помладиот (англ. William Michael Griffin Jr.; роден на 28 јануари 1968) познат по неговото уметничко име Раким (англ. Rakim) ― американски рапер. Тој бил дел од хип-хоп-дуото Eric B. & Rakim со кого објавил четири албуми: Paid in Full (1987), Follow the Leader (1988), Let the Rhythm Hit 'Em (1990) и Don't Sweat the Technique (1992). Тој исто така објавил три соло-албуми: The 18th Letter (1997), The Master (1999) и The Seventh Seal (2009).
Раким | |
---|---|
Раким во 2008 | |
Животописни податоци | |
Родено име | Вилијам Мајкл Грифин Помладиот |
Познат(а) и како |
|
Роден(а) | 28 јануари 1968(1968-01-28) (56 г.) Вајанданч, Њујорк, САД[1] |
Жанрови | Хип-хоп |
Издавачи |
|
Мреж. место | thegodrakim.com |
Раким се смета за еден од највлијателните и највештите ем-си (MC) уметници на сите времиња.[2][3][4][5][6] Раким бил меѓу првите рапери кои во песните почнале да употребуваат внатрешни рими и повеќесложни рими и бил меѓу првите кој пишувал сложени стихови кои изобилувале со мудро избрани зборови и метафори, за разлика од поедноставните шеми на рима кои доминирале во рап-музиката пред неговото време.[6][7]
Во 2006 година, неговиот албум, Paid in Full, MTV го прогласила за најдобар хип-хоп-албум на сите времиња,[8] а Раким бил ставен на 4-то место на списокот од MTV за „Најдобри MC-а на сите времиња“.[9] Стив Хјуи од AllMusic изјавил дека „Раким е речиси универзално сметан за еден од најдобрите MC-а, ако не и најдобар, на сите времиња во хип-хоп заедницата“.[10] Уредниците од About.com го ставиле на второ место на нивниот список од „Топ-50 MC од наше време (1987–2007)“. Во 2012 година, The Source го ставил на прво место на нивниот список од „Топ-50 текстописци на сите времиња“.[11]