അമേരിക്കൻ ചീങ്കണ്ണി
From Wikipedia, the free encyclopedia
അമേരിക്കൻ ചീങ്കണ്ണി (Alligator mississippiensis) ഒരു ഗേറ്റർ അല്ലെങ്കിൽ അലിഗേറ്റർ എന്നും വിളിക്കാറുണ്ട്. തെക്കു- കിഴക്കൻ അമേരിക്കയിൽ കാണപ്പെടുന്ന വംശനാശം നേരിടുന്ന ക്രോക്കഡിലിയ നിരയിൽപ്പെട്ട ഒരു ഉരഗമാണിത്. അലിഗേറ്റൊറിഡേ കുടുംബത്തിലും ജീനസ് അലിഗേറ്ററിലും ജീവിച്ചിരിക്കുന്ന രണ്ടു സ്പീഷീസുകളിലൊന്നാണിത്. മറ്റ് അലിഗേറ്റർ സ്പീഷിനെക്കാളിലും വലുത് ചൈനീസ് അലിഗേറ്റർ ആണ്. മുതിർന്ന ആൺ അമേരിക്കൻ അലിഗേറ്ററുകൾക്ക് 3.4 മുതൽ 4.6 മീറ്റർ വരെ നീളവും ഇവയ്ക്ക് 453 കിലോഗ്രാം വരെ ഭാരവുമുണ്ടാകും. പെൺ അലിഗേറ്ററുകൾ ചെറുതും 2.6 മുതൽ 3 മീറ്റർ നീളവും (8.5 മുതൽ 9.8 അടി വരെ) കാണപ്പെടുന്നു. അമേരിക്കൻ അലിഗേറ്ററുകൾ ശുദ്ധജല തണ്ണീർത്തടങ്ങളിൽ വസിക്കുന്നു. ടെക്സസ് മുതൽ വടക്കൻ കരോലിന വരെയുള്ള സൈപ്രസ്സ് ചതുപ്പുകളിലും, ചതുപ്പുനിലങ്ങളിലും അമേരിക്കൻ അലിഗേറ്റർ ജീവിക്കുന്നു.
അമേരിക്കൻ ചീങ്കണ്ണി | |
---|---|
ശാസ്ത്രീയ വർഗ്ഗീകരണം | |
Domain: | Eukaryota |
കിങ്ഡം: | Animalia |
Phylum: | കോർഡേറ്റ |
Class: | Reptilia |
Order: | Crocodilia |
Family: | Alligatoridae |
Genus: | Alligator |
Species: | A. mississippiensis |
Binomial name | |
Alligator mississippiensis (Daudin, 1802 [originally Crocodilus]) | |
Approximate range of American alligator | |
Synonyms | |
|
അപെക്സ് പ്രിഡേറ്റേഴ്സ് ആയ അമേരിക്കൻ ചീങ്കണ്ണികൾ മത്സ്യങ്ങൾ, ഉഭയജീവികൾ, ഉരഗങ്ങൾ, പക്ഷികൾ, സസ്തനികൾ എന്നിവയെ ആഹാരമാക്കുന്നു. അലിഗേറ്റർ ദ്വാരങ്ങൾ നിർമ്മിക്കുന്നതിലൂടെ പ്രകൃതിയിലെ ഈ എൻജിനീയർമാർക്ക് തണ്ണീർത്തട ആവാസ ജൈവവ്യവസ്ഥയിൽ വലിയ പങ്കുവഹിക്കുന്നു. ഇത് മറ്റ് ജീവികൾക്ക് ഈർപ്പവും വരണ്ട ആവാസ വ്യവസ്ഥയും ലഭിക്കുന്നു. വർഷം മുഴുവനും, പ്രത്യേകിച്ച് ബ്രീഡിംഗ് കാലഘട്ടത്തിൽ അമേരിക്കൻ അലിഗേറ്ററുകൾ അധിനിവേശപ്രദേശം പ്രഖ്യാപിക്കുകയും അനുയോജ്യമായ ഇണകളെ കണ്ടെത്തുകയും ചെയ്യുന്നു.[2]ആൺ അമേരിക്കൻ അലിഗേറ്ററുകൾ ഇണകളെ ആകർഷിക്കാൻ ഇൻഫ്രാസൗണ്ട് ഉപയോഗിക്കുന്നു. വെള്ളത്തിലോ സമീപത്തോ ഉള്ള ഒരു സങ്കേതത്തിൽ സസ്യങ്ങൾ, വിറകു, ഇലകൾ, ചെളി എന്നിവ ഉള്ളയിടത്ത് ഇവ മുട്ടയിടുന്നു. ശരീരത്തിൽ മുഴുവനും മഞ്ഞവരകളോടെ ജനിക്കുന്ന കുഞ്ഞുങ്ങളെ ഒരുവർഷത്തോളം അമ്മ അലിഗേറ്റർ സംരക്ഷിക്കുന്നു.[3]ഇന്റർനാഷണൽ യൂണിയൻ ഫോർ ദ കൺസർവേഷൻ ഓഫ് നേച്ചർ ആൻഡ് നാച്ചുറൽ റിസോഴ്സ് ആശങ്കാജനകമല്ലാത്ത ജീവിവർഗ്ഗങ്ങളുടെ പട്ടികയിൽ അമേരിക്കൻ അലിഗേറ്ററുകളെ ഉൾപ്പെടുത്തിയിട്ടുണ്ട്. ചരിത്രാതീതകാലങ്ങളായി വേട്ടയാടപ്പെടുന്നതിനാൽ അവയുടെ ജനസംഖ്യയും കുറഞ്ഞു വന്നു. 1973 -ൽ അമേരിക്കൻ അലിഗേറ്റർ വംശനാശഭീഷണി നേരിടുന്ന ജീവിവർഗ്ഗങ്ങളുടെ പട്ടികയിൽ ഉൾപ്പെടുത്തിയിരുന്നു. പിന്നീടുള്ള സംരക്ഷണ പരിശ്രമങ്ങൾ അവയുടെ എണ്ണം കൂട്ടുകയും, 1987- ൽ ഈ വർഗ്ഗത്തിൽ നിന്നും നീക്കം ചെയ്യുകയും ചെയ്തു. അമേരിക്കൻ ചീങ്കണ്ണികൾ അവയുടെ തൊലികൾക്കും മാംസത്തിനും വേണ്ടി വേട്ടയാടപ്പെടുന്നു. ഈ വർഗ്ഗത്തിൽപ്പെടുന്നവർ ഫ്ലോറിഡ, ലൂസിയാന, മിസ്സിസ്സിപ്പി എന്നീ മൂന്ന് സംസ്ഥാനങ്ങളുടെ ഔദ്യോഗിക ഉരഗങ്ങളാണ്.