എയ്ഡ്സ്
അക്വായഡ് ഇമ്മ്യൂൺ ഡിഫിഷ്യൻസി സിൻഡ്രം / From Wikipedia, the free encyclopedia
എച്ച്.ഐ.വി. ( ഹ്യുമൻ ഇമ്മ്യൂണോ ഡിഫിഷ്യൻസി വൈറസ് ) ബാധിച്ചതിന്റെ ഫലമായി മനുഷ്യന് രോഗ പ്രതിരോധശേഷി നഷ്ടപ്പെടുകയും തത്ഫലമായി മറ്റു മാരക രോഗങ്ങൾ പിടിപെടുകയും ചെയ്യുന്ന അവസ്ഥയാണ്, അല്ലെങ്കിൽ സിൻഡ്രോം ആണ് എയ്ഡ്സ് എന്ന രോഗം. എയ്ഡ്സ് എന്നാൽ അക്വായഡ് ഇമ്മ്യൂൺ ഡിഫിഷ്യൻസി സിൻഡ്രം (Acquired Immune Deficiency Syndrome- AIDS ) എന്നതിന്റെ ചുരുക്കമാണ്.
ആഫ്രിക്കൻ രാജ്യങ്ങളിൽ ഈ രോഗം നേരത്തെ കാണപ്പെട്ടിരുന്നു എന്ന് പറയപ്പെടുന്നു. എങ്കിലും എയ്ഡ്സ് പ്രത്യേകം ശ്രദ്ധയിൽ പെട്ടത് 1981 ൽ ആണ്. ഇന്ന് വളരെ ശാസ്ത്രീയമായതും മികച്ചതുമായ ചികിത്സ രീതികൾ ഈ അവസ്ഥയുടെ നിയന്ത്രണത്തിനായി ലഭ്യമാണ്. തുടക്കത്തിലേ ചികിത്സ ലഭ്യമാക്കിയാൽ വളരെ ഫലപ്രദമായി നിയന്ത്രിക്കാവുന്ന ഒരവസ്ഥയായി എച്ച് ഐ വി മാറിയിട്ടുണ്ട്. ഇന്ത്യയിൽ സർക്കാർ ആശുപത്രികൾ മുഖേന സൗജന്യ ചികിത്സ എച്ച് ഐ വി ബാധിതർക്ക് ലഭ്യമാണ്.