ഗോൾഡി ഹോൺ
അമേരിക്കൻ ചലചിത്ര നടൻ / From Wikipedia, the free encyclopedia
ഗോൾഡി ജീൻ ഹോൺ (ജനനം: നവംബർ 21, 1945) ഒരു അമേരിക്കൻ അഭിനേത്രിയും നർത്തകിയും നിർമ്മാതാവും ഗായികയുമാണ്.[2] 1969 ൽ പുറത്തിറങ്ങിയ കാക്ടസ് ഫ്ലവർ ചിത്രത്തിലെ അഭിനയത്തിന് മികച്ച സഹനടിയ്ക്കുള്ള അക്കാദമി അവാർഡും ഗോൾഡൻ ഗ്ലോബ് പുരസ്കാരവും ലഭിക്കുന്നതിന് മുമ്പ് അവർ എൻബിസിയുടെ റോവൻ & മാർട്ടിൻസ് ലാഫ്-ഇൻ (1968-1970) എന്ന ഹാസ്യരസപ്രധാനമായ പരമ്പരയിലൂടെയാണ് പ്രശസ്തിയിലേക്ക് ഉയർന്നത്.
ഗോൾഡി ഹോൺ | |
---|---|
ജനനം | ഗോൾഡി ജീൻ ഹോൺ (1945-11-21) നവംബർ 21, 1945 (78 വയസ്സ്)[1][2] Washington, D.C., U.S. |
തൊഴിൽ |
|
സജീവ കാലം | 1966–present |
ജീവിതപങ്കാളി(കൾ) | ഗസ് ട്രൈക്കോണിസ്
(m. 1969; div. 1976)ബിൽ ഹഡ്സൺ
(m. 1976; div. 1982) |
പങ്കാളി(കൾ) | കുർട്ട് റസ്സൽ (1983–present) |
കുട്ടികൾ |
|
ദെയർസ് എ ഗേൾ ഇൻ മൈ സൂപ്പ് (1970), ബട്ടർഫ്ലൈസ് ആർ ഫ്രീ (1972), ദി ഷുഗർലാൻഡ് എക്സ്പ്രസ് (1974), ഷാംപൂ (1975), ഫൗൾ പ്ലേ (1978) സീംസ് ലൈക്ക് ഓൾഡ് ടൈംസ് (1980), ടൈറ്റിൽ കഥാപാത്രത്തെ അവതരിപ്പിച്ചതിന് മികച്ച നടിക്കുള്ള അക്കാദമി അവാർഡിന് നാമനിർദ്ദേശം ചെയ്യപ്പെട്ട പ്രൈവറ്റ് ബെഞ്ചമിൻ (1980) തുടങ്ങിയ സിനിമകളിൽ അഭിനയിച്ചുകൊണ്ട് ഏതാണ്ട് മൂന്ന് പതിറ്റാണ്ടിലേറെയായി ഹോൺ തൻറെ ബാങ്കബിൾ സ്റ്റാർ (ബോക്സ് ഓഫീസ് വിജയം ഉറപ്പിക്കാൻ കഴിവുള്ള താരം) എന്ന പദവി നിലനിർത്തി. പിന്നീട് ഓവർബോർഡ് (1987), ബേർഡ് ഓൺ എ വയർ (1990), ഡെത്ത് ബികംസ് ഹെർ (1992), ഹൗസ്സിറ്റർ (1992), ദി ഫസ്റ്റ് വൈവ്സ് ക്ലബ് (1996), ദി ഔട്ട്-ഓഫ്-ടൗണേഴ്സ് (1999), ദി ബാംഗർ സിസ്റ്റേർസ് (2002) എന്നീ ചിത്രങ്ങളിൽ അഭിനയിച്ചു. ചെറിയൊരു ഇടവേളയ്ക്കു ശേഷം സ്നാച്ച്ഡ് (2017), ദി ക്രിസ്മസ് ക്രോണിക്കിൾസ് (2018), ദി ക്രിസ്മസ് ക്രോണിക്കിൾസ് 2 (2020) എന്നീ ചിത്രങ്ങളിലെ വേഷങ്ങളിലൂടെ ഹോൺ സിനിമയിലേക്ക് തിരിച്ചുവന്നു.
അഭിനേതാക്കളായ ഒലിവർ ഹഡ്സൺ, കേറ്റ് ഹഡ്സൺ, വ്യാറ്റ് റസ്സൽ എന്നിവരുടെ അമ്മയായ ഹോണിന് നിലവിൽ 1983 മുതൽ കുർട്ട് റസ്സലുമായി അടുത്ത ബന്ധമുണ്ട്. 2003-ൽ അവർ നിരാലംബരായ കുട്ടികൾക്ക് വിദ്യാഭ്യാസം നൽകുന്നതിനുള്ള 'ദ ഹോൺ ഫൗണ്ടേഷൻ' സ്ഥാപിച്ചു.