ജൂലിയ സ്റ്റൈൽസ്
അമേരിക്കൻ ചലചിത്ര നടൻ / From Wikipedia, the free encyclopedia
ജൂലിയ ഒ'ഹാര സ്റ്റൈൽസ് (ജനനം മാർച്ച് 28, 1981) ഒരു അമേരിക്കൻ നടിയാണ്. ന്യൂയോർക്ക് നഗരത്തിൽ ജനിച്ചു വളർന്ന സ്റ്റൈൽസ് ന്യൂയോർക്കിലെ ലാ മാമ എക്സ്പിരിമെന്റൽ തിയറ്റർ ക്ലബ്ബിന്റെ ഭാഗമായി 11-ാം വയസ്സിലാണ് അഭിനയിക്കാൻ തുടങ്ങിയത്. ഐ ലവ് യു, ഐ ലവ് യു നോട്ട് (1996) എന്ന ചിത്രത്തിലെ ഒരു ചെറിയ വേഷത്തിലൂടെ ചലച്ചിത്രലോകത്ത് അരങ്ങേറ്റം കുറിക്കുകയും തുടർന്ന് വിക്കഡ് (1998) എന്ന ചിത്രത്തിലെ പ്രധാന വേഷത്തിന് മികച്ച നടിക്കുള്ള കാർലോവി വേരി ഫിലിം ഫെസ്റ്റിവൽ അവാർഡ് ലഭിക്കുകയു ചെയ്തു. 10 തിംഗ്സ് ഐ ഹേറ്റ് എബൗട്ട് യു (1999), ഡൗൺ ടു യു (2000), സേവ് ദ ലാസ്റ്റ് ഡാൻസ് (2001) തുടങ്ങിയ കൗമാര ചിത്രങ്ങളിലെ പ്രധാന വേഷങ്ങളിലൂടെ അവർ പ്രശസ്തിയിലേക്ക് ഉയർന്നു. അവരുടെ അംഗീകാരങ്ങളിൽ NBR അവാർഡ്, ഒരു CFCA അവാർഡ്, ഒരു ഗോൾഡ് ഡെർബി അവാർഡ്, ഒരു ടീൻ ചോയ്സ് അവാർഡ്, രണ്ട് MTV മൂവി അവാർഡുകൾ, കൂടാതെ സാറ്റലൈറ്റ് അവാർഡ്, ഗോതം അവാർഡ്, ഗോൾഡൻ ഗ്ലോബ് അവാർഡ്, എമ്മി അവാർഡ് നാമനിർദ്ദേശങ്ങൾ എന്നിവ ഉൾപ്പെടുന്നു.