ടെർനേറ്റ്
From Wikipedia, the free encyclopedia
ടെർനേറ്റ്, ഇന്തോനേഷ്യയിലെ വടക്കൻ മലുകു പ്രവിശ്യയിലെ ഏറ്റവും വലിയ നഗരവും മലുക്കു ദ്വീപുകളിലെ ഒരു ദ്വീപുമാണ്. ഇതു മുൻകാല ടെർനേറ്റ് സുൽത്താനേറ്റിന്റെ തലസ്ഥാനമായിരുന്നു. ഇത് അൽപ്പംകൂടി വലിയ ദ്വീപായ ഹൽമഹെറയുടെ പടിഞ്ഞാറൻ തീരത്തുനിന്നകലെയാണു സ്ഥിതി ചെയ്യുന്നത്. ഈ ദ്വീപിന്റെ 111.39 ചതുരശ്ര കിലോമീറ്റർ പ്രദേശത്തായി ഏകദേശം 200,000 ജനങ്ങൾ മാത്രമാണ് അധിവസിക്കുന്നത്.[1]
ടെർനേറ്റ് | ||
---|---|---|
City | ||
City of Ternate Kota Ternate | ||
Skyline of Ternate | ||
| ||
Motto(s): Maku Gawene | ||
Location within Maluku Islands | ||
Coordinates: 0°47′N 127°22′E | ||
Country | Indonesia | |
Province | North Maluku | |
• Mayor | Burhan Abdurrahman | |
• Vice Mayor | Abdullah Taher | |
• ആകെ | 111.39 ച.കി.മീ.(43.01 ച മൈ) | |
(2014) | ||
• ആകെ | 2,04,215 | |
• ജനസാന്ദ്രത | 1,800/ച.കി.മീ.(4,700/ച മൈ) | |
സമയമേഖല | UTC+9 (Indonesia Eastern Time) | |
Area code | (+62) 921 | |
വെബ്സൈറ്റ് | www.ternatekota.go.id/ |
തൊട്ടടുത്ത ദ്വീപായ ടിഡോറിനേപ്പോലെ, ടെർനേറ്റ് ദ്വീപും കാഴ്ച്ചയിൽ ഒരു നാടകീയമായ കോൺ ആകൃതിയിലാണ് സ്ഥിതിചെയ്യുന്നത്. രണ്ടും പുരാതന ഇസ്ലാമിക് സുൽത്താനേറ്റുകളാണെന്നതുപോലെ തന്നെ ഇവയ്ക്ക് ഏറെക്കാലം നീണ്ടുനിന്ന കടുത്ത ശത്രുതയുടെ പാരമ്പര്യവുമുണ്ട്. ഒരിക്കൽ ഈ ദ്വീപുകൾ രണ്ടും ലോകത്തെ ഏറ്റവും പ്രധാനപ്പെട്ട ഏക ഗ്രാമ്പൂ ഉത്പാദകരായിരുന്നു.[2] ഈ ഉൽപ്പന്നം ഇവിടുത്തെ സുൽത്താന്മാരെ ഇന്തോനേഷ്യൻ മേഖലയിലെ മറ്റെല്ലാ സുൽത്താനേറ്റിനേക്കാളും ഏറ്റവും സമ്പന്നരും ശക്തരായ രാജ്യങ്ങളുമാക്കി മാറ്റിയിരുന്നു. കൊളോണിയൽ കാലഘട്ടത്തിനുമുമ്പ്, മാലുക്കുവിലെ "സ്പൈസ് ദ്വീപുകളിലെ" ഭൂരിഭാഗം പ്രദേശത്തും ടെർനേറ്റ് ഒരു പ്രധാന രാഷ്ട്രീയ സാമ്പത്തിക ശക്തിയായിരുന്നു.
ഇന്ന്, വടക്കൻ മാലുക്കു പ്രവിശ്യയിലെ ഏറ്റവും വലിയ പട്ടണമായ ടെർനേറ്റ നഗരം. ഈ ദ്വീപ് ഒരു മുനിസിപ്പാലിറ്റിയായി (കൊട്ടമദ്യ) രൂപീകരിക്കപ്പെട്ടിരിക്കുന്നു. പക്ഷേ, ഇത് ഒരുക്കലും തലസ്ഥാന നഗരിയായിരുന്നിട്ടില്ല. ഹൽമഹെറയിലെ സോഫിഫിയാണ് ഈ സ്ഥാനം വഹിക്കുന്ന നഗരം.