ദി ബോട്ടിംഗ് പാർട്ടി
From Wikipedia, the free encyclopedia
1893-ൽ അമേരിക്കൻ ആർട്ടിസ്റ്റ് മേരി കസ്സാറ്റ് വരച്ച എണ്ണച്ചായാചിത്രമാണ് ദി ബോട്ടിംഗ് പാർട്ടി. 1963 മുതൽ ഈ ചിത്രം ദേശീയ ആർട്ട് ഗാലറി ശേഖരത്തിൽ കാണപ്പെടുന്നു.[1][2]
ദി ബോട്ടിംഗ് പാർട്ടി | |
---|---|
കലാകാരൻ | Mary Cassatt |
വർഷം | 1893 (1893) |
Medium | oil on canvas |
അളവുകൾ | 90 cm × 117.3 cm (46 3/16 in × 35 7/16 in) |
സ്ഥാനം | National Gallery of Art, Washington, DC |
Accession | 1963.10.94 |
Website | www |
ഫ്രഞ്ച് റിവിയേരയിലെ ആന്റിബസിൽ 1893–1894 ശൈത്യകാലത്ത് ആണ് കസാറ്റ് ബോട്ടിംഗ് പാർട്ടി വരച്ചത്. കസാറ്റ് 1894 ജനുവരി, ഫെബ്രുവരി മാസങ്ങളിൽ ക്യാപ് ഡി ആന്റിബസിലെ വില്ല "ലാ സിഗരോൺ" എന്ന സ്ഥലത്ത് അമ്മയോടൊപ്പം ചെലവഴിച്ചു.[3][4] ബോട്ടിംഗ് പാർട്ടി വരയ്ക്കുമ്പോൾ കസാറ്റിന് 49 വയസ്സായിരുന്നു.[5] 1893 അവർക്ക് വിജയകരമായ ഒരു വർഷമായിരുന്നു. 1893 ലെ ഷിക്കാഗോയിലെ ലോക കൊളംബിയൻ എക്സ്പോസിഷനിൽ വുമൺസ് ബിൽഡിംഗിനായി നിയോഗിക്കപ്പെട്ട മ്യൂറൽ മോഡേൺ വുമൺ പൂർത്തിയാക്കി. 1893-ൽ ഡ്യുറാൻഡ്-റുവലിന്റെ ഗാലറിയിൽ നടന്ന അവരുടെ എക്സിബിഷന് മികച്ച സ്വീകാര്യത ലഭിച്ചു.[5] (അടിക്കുറിപ്പ്: എക്സിബിഷനിൽ 98 ഇനങ്ങൾ ഉണ്ടായിരുന്നു. [6]); മ്യൂസി ഡു ലക്സംബർഗിനായി അവരുടെ ഒരു പെയിന്റിംഗ് വാങ്ങാൻ ഫ്രഞ്ച് ഭരണകൂടം തീരുമാനിച്ചിരുന്നു.[7]