ദ ഫ്യൂണറൽ
എഡ്വാർഡ് മാനെറ്റ് വരച്ച ചിത്രം / From Wikipedia, the free encyclopedia
1867-1870 കാലഘട്ടത്തിൽ എഡ്വാർഡ് മാനെറ്റ് വരച്ച ക്യാൻവാസ് പെയിന്റിംഗാണ് ദ ഫ്യൂണറൽ (ഫ്രഞ്ച് - L'Enterrement). ഈ ചിത്രം ന്യൂയോർക്കിലെ മെട്രോപൊളിറ്റൻ മ്യൂസിയം ഓഫ് ആർട്ടിൽ സൂക്ഷിച്ചിരിക്കുന്നു. അപൂർണ്ണമായ, അതിന്റെ ശൈലി 1867-ലെ ഇഫക്റ്റ് ഓഫ് സ്നോ ഓൺ പെറ്റിറ്റ്-മോൺറൂഷ്, ദി എക്സ്പോസിഷൻ യൂണിവേഴ്സെൽ എന്നിവയോട് വളരെ അടുത്താണ് (റൂവാർട്ട്, വൈഡൻസ്റ്റൈൻ 1975 നമ്പർ. 123).മാനേയുടെ മരണാനന്തരം ഡെനിസ് റൂവാർട്ടിലും ഡാനിയൽ വൈൽഡൻസ്റ്റൈനും ചേർന്ന് മാനേയുടെ ചിത്രങ്ങളുടെ കണക്കെടുപ്പും വിവരശേഖരണവും നടത്തുകയുണ്ടായി. ആ രേഖകളിൽ ഇതിന് നൽകിയിരിക്കുന്ന തലക്കെട്ട് ആയ ബരിയൽ അറ്റ് ദി ഗ്ലേസിയർ (എൻറർമെന്റ് എ ലാ ഗ്ലേസിയർ) എന്നും ഈ ചിത്രം അറിയപ്പെടുന്നു.[1]
ഈ ചിത്രം 1894 ഓഗസ്റ്റിൽ ആർട്ട് ഡീലർ പോർട്ടിയറിന് 300 ഫ്രാങ്കിന് സുസെയ്ൻ മാനെറ്റ് വിറ്റു. 1902-ൽ ഇത് മാനെറ്റിനെ നന്നായി അറിയുകയും കഫേ ഗ്വെർബോയിസിൽ പതിവായി പോകുകയും ചെയ്തിരുന്ന കാമിൽ പിസാരോയുടെ ഉടമസ്ഥതയിലുള്ളതായി രേഖപ്പെടുത്തിയിട്ടുണ്ട്. ആംബ്രോയ്സ് വോളാർഡ് ഈ പെയിന്റിംഗ് അടുത്തതായി ഏറ്റെടുത്തു. അദ്ദേഹം അത് $2319-ന് അതിന്റെ ഇപ്പോഴത്തെ ഉടമയ്ക്ക് വിറ്റു.[2]