പീപ്പിൾസ് ഡെമോക്രാറ്റിക് പാർട്ടി ഓഫ് അഫ്ഗാനിസ്താൻ
From Wikipedia, the free encyclopedia
1965-ൽ അഫ്ഗാനിസ്താനിൽ രൂപം കൊണ്ട ഒരു കമ്മ്യൂണിസ്റ്റ് രാഷ്ട്രീയകക്ഷിയാണ് പീപ്പിൾസ് ഡെമോക്രാറ്റിക് പാർട്ടി ഓഫ് അഫ്ഗാനിസ്ഥാൻ (പേർഷ്യൻ: حزب دموکراتيک خلق افغانستان, പഷ്തു: د افغانستان د خلق دموکراټیک ګوند) എന്ന പി.ഡി.പി.എ. ഇരുപതാം നൂറ്റാണ്ടിന്റെ രണ്ടാം പകുതിയിൽ അഫ്ഗാനിസ്താൻ രാഷ്ട്രീയത്തിൽ നിർണ്ണായക പങ്കുവഹിക്കാൻ പി.ഡി.പി.എക്കായി.
പീപ്പിൾസ് ഡെമോക്രാറ്റിക് പാർട്ടി ഓഫ് അഫ്ഗാനിസ്താൻ | |
---|---|
നേതാവ് | മുഹമ്മദ് നജീബുള്ള (അവസാനനേതാവ്) |
രൂപീകരിക്കപ്പെട്ടത് | 1965 ജനുവരി 1 |
പിരിച്ചുവിട്ടത് | 1992 മാർച്ച്[1] |
മുഖ്യകാര്യാലയം | കാബൂൾ, അഫ്ഗാനിസ്താൻ |
പത്രം | ഖൽഖ് (1966) പാർച്ചം (1969) |
യുവജന സംഘടന | ഡെമോക്രാറ്റിക് യൂത്ത് ഓർഗനൈസേഷൻ ഓഫ് അഫ്ഗാനിസ്താൻ |
അംഗത്വം | 50,000 (1978 ഡിസംബർ - 1979 ജനുവരി)[2] 70-100,000 (April-June, 1982)[2] 160,000 (Late 1980s)[3] |
പ്രത്യയശാസ്ത്രം | കമ്മ്യൂണിസം, മാർക്സിസം, ലെനിനിസം |
നിറം(ങ്ങൾ) | ചുവപ്പ് |
തന്റെ ബന്ധുവായ സഹീർ ഷാ രാജാവിനെ അട്ടിമറിച്ച് അഫ്ഗാനിസ്താന്റെ പ്രഥമപ്രസിഡണ്ട് സ്ഥാനത്തെത്താൻ മുഹമ്മദ് ദാവൂദ് ഖാന് പി.ഡി.പി.എയുടെ (പാർചം വിഭാഗത്തിന്റെ) സഹായം ലഭിച്ചിരുന്നു. പിന്നീട് ദാവൂദ് ഖാൻ പി.ഡി.പി.എക്കെതിരാകുകയും, 1978-ൽ അഫ്ഗാൻ സൈന്യത്തിന്റെ സഹായത്തോടെ സോർ വിപ്ലവത്തിൽ ദാവൂദ് ഖാനെ അട്ടിമറിച്ച് പി.ഡി.പി.എ. രാജ്യത്തിന്റെ അധികാരം പിടിച്ചെടുക്കുകയും ചെയ്തു.
1978 മുതൽ 1990 വരെ പി.ഡി.പി.എയുടെ ഖൽഖ്, പാർചം വിഭാഗത്തിലുള്ള നേതാക്കൾ സോവിയറ്റ് യൂണിയന്റെ പിന്തുണയോടെ അഫ്ഗാനിസ്താനിൽ അധികാരത്തിലിരുന്നു. സോവിയറ്റ് സൈന്യം അഫ്ഗാനിസ്താനിൽ നിന്നും പിൻവാങ്ങിയതിനു ശേഷം, 1990-ൽ രാജ്യത്തെ അവസാനത്തെ കമ്മ്യൂണിസ്റ്റ് പ്രസിഡണ്ടായ മുഹമ്മദ് നജീബുള്ളയുടെ പി.ഡി.പി.എയുടെ പേര് ഹോംലാന്റ് പാർട്ടി എന്നാക്കി മാറ്റുകയും കക്ഷിയുടെ എല്ലാ മാർക്സിസ്റ്റ് ആശയങ്ങളും ഉപേക്ഷിക്കുകയും ചെയ്തു.