വർഗ്ഗീകരണം (ഗ്രന്ഥശാലാശാസ്ത്രത്തിൽ)
From Wikipedia, the free encyclopedia
ഗ്രന്ഥങ്ങളെ/ അറിവിന്റെ സ്രോതസ്സുകളെ അവയുടെ വിഷയസ്വഭാവമനുസരിച്ച് വിവിധ വിഭാഗങ്ങളായി വർഗ്ഗീകരിക്കുന്നതിനെയാണ് ഗ്രന്ഥശാലാശാസ്ത്രത്തിൽ വർഗ്ഗീകരണം എന്നുപറയുന്നത്. ഇതനുസരിച്ചാണ് ഗ്രന്ഥങ്ങൾ/ അറിവിന്റെ സ്രോതസ്സുകൾ ലൈബ്രറികളിൽ ക്രമീകരിച്ചിരിക്കുന്നത്. ഗ്രന്ഥങ്ങളെ വിഷയസ്വഭാവമനുസരിച്ച് വിവിധ വിഭാഗങ്ങളായി വർഗ്ഗീകരിക്കുന്നതിനായി ഗ്രന്ഥശാലാശാസ്ത്രത്തിൽ പല വർഗ്ഗീകരണ പദ്ധതികളും നിലവിലുണ്ട്. കോളൻ വർഗ്ഗീകരണ പദ്ധതി, ഡ്യൂയി ഡെസിമൽ വർഗ്ഗീകരണം, യൂണിവേഴ്സൽ ഡെസിമൽ വർഗ്ഗീകരണം എന്നിവ വർഗ്ഗീകരണ പദ്ധതികൾക്ക് ഉദാഹരണങ്ങളാണ്. ഇത്തരത്തിൽ വർഗ്ഗീകരിക്കുക വഴി ഒരേ വിഷയസ്വഭാവമുളളതും അനുബന്ധ വിഷയസ്വഭാവമുളളതുമായ ഗ്രന്ഥങ്ങൾ അടുത്തടുത്തായി ക്രമീകരിക്കാൻ സാധ്യമാകുന്നു. ഗ്രന്ഥങ്ങൾ ലൈബ്രറി ഉപഭോക്താവിന് സഹായമാകും വിധം ക്രമീകരിക്കുവാനുപയോഗിക്കുന്ന വിദ്യയായ വർഗ്ഗീകരണം, ഒരേസമയം ഉപഭോക്താവിനും ലൈബ്രേറിയനും ഒരുപോലെ സഹായകമാണ്.