क्रिकेट विश्वचषक, २०१५
From Wikipedia, the free encyclopedia
२०१५ क्रिकेट विश्वचषक ही क्रिकेट विश्वचषक स्पर्धेची ११वी आवृत्ती १४ फेब्रुवारी ते २९ मार्च, इ.स. २०१५ दरम्यान ऑस्ट्रेलिया व न्यू झीलँड देशांमध्ये खेळवली गेली.
आयसीसी क्रिकेट विश्वचषक, २०१५ | |||
---|---|---|---|
क्रिकेट विश्वचषक | |||
तारीख | १४ फेब्रुवारी २०१५ – २९ मार्च २०१५ | ||
व्यवस्थापक | आंतरराष्ट्रीय क्रिकेट संघटन | ||
क्रिकेट प्रकार | एकदिवसीय सामने | ||
स्पर्धा प्रकार | साखळी सामने व बाद फेरी | ||
यजमान |
ऑस्ट्रेलिया न्यूझीलंड | ||
विजेते | ऑस्ट्रेलिया (५ वेळा) | ||
सहभाग | १४ | ||
सामने | ४९ | ||
मालिकावीर | मिचेल स्टार्क | ||
सर्वात जास्त धावा | मार्टिन गुप्टिल (५४७) | ||
सर्वात जास्त बळी |
मिचेल स्टार्क (२२) ट्रेंट बोल्ट (२२) | ||
अधिकृत संकेतस्थळ | आयसीसी विश्वचषक | ||
|
मेलबर्न येथे आय.सी.सी.ने ३० जुलै २०१३ रोजी आयोजित केलेल्या सोहळ्यात २०१५ मध्ये ऑस्ट्रेलिया आणि न्यू झीलंडमध्ये संयुक्तरीत्या आयोजित करण्यात येणाऱ्या स्पर्धेचा संपूर्ण कार्यक्रम जाहीर करण्यात आला[1].
एकूण ४४ दिवस चालणाऱ्या ह्या स्पर्धेमध्ये १४ देशांचे राष्ट्रीय संघ सहभागी झाले. स्पर्धेमध्ये १४ मैदानांवर एकूण ४९ सामने खेळविले गेले. त्यामधील २६ सामने ऑस्ट्रेलियातील ॲडलेड, ब्रिस्बेन, कॅनबेरा, होबार्ट, मेलबर्न, पर्थ व सिडनी या ठिकाणी तर उर्वरित २३ सामने न्यू झीलंडमधील ऑकलंड, क्राइस्टचर्च, ड्युनेडिन, हॅमिल्टन, नेपियर, नेल्सन आणि वेलिंग्टन येथे खेळविले गेले.
साखळी फेरीसाठी १४ देशांना अ आणि ब गटामध्ये विभागण्यात आले. अ गटामध्ये इंग्लंड, ऑस्ट्रेलिया, श्रीलंका, बांगलादेश, न्यू झीलँड, पात्रता फेरीतील संघ २, पात्रता फेरीतील संघ ३चा समावेश होता. तर ब गटामध्ये भारत, दक्षिण आफ्रिका, पाकिस्तान, वेस्ट इंडीज, झिम्बाब्वे, आयर्लण्ड आणि पात्रता फेरीतील संघ ४चा समावेश होता. साखळी फेरीमध्ये प्रत्येक संघाचे सहा सामने झाले.
विश्वचषकाचा अंतिम सामना मेलबर्न क्रिकेट मैदानावर खेळविण्यात आला. या सामन्यात ऑस्ट्रेलियाने न्यू झीलंडचा ७ गडी राखून विजय मिळवित पाचव्यांदा विश्वचषकावर आपले नाव कोरले.