Stados Ounidos de la América
From Wikipedia, the free encyclopedia
Ls Stados Ounidos de la América, SOA (an anglés United States of America) son ua república federal pursidencialista, cun cinquenta stados i un Çtrito Federal. L nome de l paíç ye muita beç chamado pulas siglas USA ó US (an anglés).
Stados Ounidos de la América United States of America | |||||
| |||||
Lhema: "In God We Trust" | |||||
Hino nacional: | |||||
Capital | Washington, DC | ||||
Lhéngua oufecial | Nanhue | ||||
- Pursidente | Joe Biden | ||||
Ária | |||||
- Total | 9 629 091 km² km² | ||||
Populaçon | |||||
- Stimatiba pa (2019) | 705 749 hab. |
La maior parte de ls Stados Ounidos localiza-se na region central de la América de l Norte, tenendo frunteiras terrestres cul Canadá i cul México, sendo que l restante de l paíç lemita-se cul Ouceano Pacífico, l Mar de Bering, l Ouceano Ártico, l Golfo de l México i l Ouceano Atlántico. De ls 50 stados, solo l Alasca i l Habaí nun son pegados culs outros 48 Stados, nin antre si. Ls Stados Ounidos tamien ténen muitos territórios, çtritos i outras posses an torno de l mundo, purmariamente ne l Caribe i ne l Ouceano Pacífico. Cada Stado ten un alto nible d'outonomie local, d'acordo cul sistema federal.
Ls Stados Ounidos celebran l sou die de l'andependéncia la 4 de Júlio de 1776, quando las Treze Quelónias británicas na América de l Norte faziran la Declaraçon de Andependéncia, reijeitando l'outoridade británica, a fabor de la política de outodeterminaçon. Esta andependéncia fui oufecial mente reconhecida pelo Reino Ounido ne l Tratado de Paris. Ls Stados Ounidos adotórun sue atual Custituiçon an 1789, que stabeciu la strutura básica de l goberno amaricano. Zde anton, la nacion gradualmente zambolbiu-se, tornando-se ua superpoténcia apuis de la fin de la Segunda Guerra Mundial, passando a eisercer grande anfluéncia eiconómica, política, científica, tecnológica, melitar i cultural ne l mundo.