Rivuluzzione franzesa
From Wikipedia, the free encyclopedia
'A Rivuluzzione franzesa (1789–1799), fuje ll'accadenza ca cagnaje radecalemente ll'assetto statale franzese da 'a munarchia assuluta â repubbreca. Fuje n'accasione 'e gruosse mutamiente suciale c’’o suvvertimiento 'e ll'urdeno ierarcheco ca nfino a tanno êva caratterizzato 'o paese, comme pure 'a primma pussebberetà 'e pruvà a crià na sucietà cchiù giusta e demucrateca secunne 'e pprencipie espresse da nu seculo 'e Allumenismo.
Pure se fernuta c’’a presa 'e putere 'e Napulione e a cunsequente Restaurazzione pe' mmano d’’e munarchie cunservatrice 'e ll'Europa, 'a Revuluzzione fuje na staggione ca segnaje 'o passaggio da ll'epuca 'e ll'assulutismo a chella d'â partecipazziune demucrateca 'e stampo libberale e burghese, purtanno nfra ll'ati cose â primma stesura d’’a Deciarazzione d'ê dderitte 'e ll'ommo e d’’o cittadino (pe' franzese "Déclaration des Droits de l'Homme et du Citoyen"), funnamento d’’e muderne Custituzziune 'ncap'a tutt’’o munno.