Hiphop
From Wikipedia, the free encyclopedia
Hiphop (mangs wal skrevn as hip hop of hip-hop) is ne kulturelle streuming, moar veural bekeand as muziekstiel. Hiphop is ontstoan in de zövntiger joarn van t twentigste joarhonderd in Niej Jork in de Verennigde Stoatn, in de arme wieke The Bronx, woar dootieds völ Afro-Amerikaanse en Latinoleu wondn.
Hiphopkultuur wörd kenmearkt deur vief ellemeantn: DJen, Rapn, Beatboksn, Graffiti en Breakdaans.
Anhangers van de hiphopkultuur zunt vaak te herkenn an de klear dee ze dreagt. Dat zunt meestal ne pette, wiede, te grote t-shirts van bekeande Amerikaanse voetbalklubs met grote siefers dr op en wiede, ofzaknde bokses. Doar heurt vaak ok nog t dreagn van opzichtige (leewst goaldne) opsmuk bie, zo as lange ketns, grote ringe en glemmige oorbeln.