Alfred North Whitehead
From Wikipedia, the free encyclopedia
Alfred North Whitehead (15. februar 1861–30. desember 1947) var ein engelsk filosof og matematikar. Han er særleg kjend som grunnleggar av den filosofiske retninga kjend som prosessfilosofi, som seinare har påverka ei mengd disiplinar som til dømes økologi, teologi, utdanning, fysikk, biologi, økonomi og psykologi.
Alfred North Whitehead | |||
| |||
Fødd | 15. februar 1861 Ramsgate | ||
---|---|---|---|
Død | 30. desember 1947 Cambridge i Massachusetts | ||
Nasjonalitet | Storbritannia | ||
Område | logikk, matematikk, vitskapsteori, metafysikk | ||
Yrke | filosof, matematikar, fysikar, teolog, skribent, logikar | ||
Institusjonar | Harvard University University College London Imperial College London | ||
Alma mater | Trinity College i Cambridge Sherborne School University of Cambridge | ||
Doktorgradsrettleiar | Edward Routh | ||
Ektefelle | Evelyn Ada Maud Rice Willoughby-Wade | ||
Barn | Thomas North Whitehead | ||
Medlem | Royal Society American Academy of Arts and Sciences |
Whitehead var i den fyrste tid mest oppteken av logikk og fysikk. Hans mest kjende verk på desse felta er det tre band store Principia Mathematica (1910–13), som han forfatta i lag med sin tidlegare elev Bertrand Russell. Principia Mathematica vert rekna som eit av dei viktigaste i det tjuande hundreåret om matematisk logikk.
Kringom 1920 vende Whitehead gradvis interessa over frå matematikk til vitskapsfilosofi, og til sist til metafysikk. Han utvikla eit omfattande metafysisk system som sterkt braut med det meste i vestleg filosofi. Whitehead hevda at røyndomen består av tilfelle og ikkje av materie, og at desse tilfella ikkje kan definerast lausrive frå dei sambanda dei har til andre tilfelle. Såleis avviste han ideen om at røyndomen er grunnleggande konstruert av materie-bitar som eksisterer uavhengig av kvarandre. I vår tid vert Whiteheads filosofiske verk, særleg Process and Reality, rekna som dei grunnleggande skriftene i prosessfilosofien. Whiteheads prosessfilosofi hevdar at “det er avgjerande å innsjå at verda er ein vev av internt samanhengande prosessar som vi er ein integrert del av, slik at at alle våre val og handlingar får fylgjer for verda i kring oss”.