Pōhutukawa
From Wikipedia, the free encyclopedia
Pōhutukawa (Metrosideros excelsa) er eit eviggrønt tre i myrtefamilien. Det blømer praktfullt med ei mengd blomar som har talrike støvberarar. Blomane er som regel sterkt raudfarga, men kan også vera oransje, gule eller kvite.
Pōhutukawa | |
Pōhutukawa | |
Systematikk | |
Rike: | Planteriket Plantae |
Underrekkje: | Frøplantar Spermatophytes |
Orden: | Myrteordenen Myrtales |
Familie: | Myrtefamilien Myrtaceae |
Underfamilie: | Myrtoideae |
Stamme: | Metrosidereae |
Slekt: | Metrosideros |
Art: | Pōhutukawa M. excelsa |
Vitskapleg namn | |
Metrosideros excelsa Gaertn., 1788 |
Treet er naturleg endemisk for New Zealand, og veks helst i kystsona av landet. Det er velkjend for fargerikdommen sin og evna til å klamra seg fast og veksa på bratte klipper, og har ein viktig plass i newzealandsk kultur. Maoriar reknar det som eit hovdingtre (rākau rangatira).[1] Sidan det særleg blømer i siste halvdel av desember på den sørlege halvkula med strålande høgraude blomar har det òg fått tilnamnet newzealandsk juletre.