آکسفورڈ یونیورسٹی
From Wikipedia, the free encyclopedia
آکسفورڈ یونیورسٹی برطانیہ دے نگر آکسفورڈ چ اک یونیورسٹی اے۔ ایہ دنیا دی دوسری سب توں پرانی تے انگریزی بولن والی دنیا دی سب توں پرانی یونیورسٹی اے[1]۔ ایتھے 11 ویں صدی توں پڑھائی ہو رئی اے۔ یونیورسٹی چ تیزی نال وادا ہویا جدوں انگریز بادشاہ ہنری II نے انگریز پڑھاکواں نوں سینٹ تھامس بیکٹ دے قتل مگروں پیرس یونیورسٹی چ پڑھن توں روک دتا۔ 1209 چ ایتھے دے وسنیکاں تے پڑھاکواں وشکار اک پھڈا پے گیا تے جس توں ایتھوں لوک کیمبرج نس گۓ تے اینج کیمبرج چ کیمبرج یونیورسٹی دی نیو پئی۔ دونویں یونیورسٹیاں رلدیاں وی نیں پر دوناں چ جوڑ وی بڑا پرانا اے۔ 1249 وچ یونیورسٹی کالج، آکسفورڈ ایتھے بنن والا پہلا کالج سی 2008 وچ گرین ٹمپلیٹن آخری۔ آکسفورڈ یونیورسٹی برطانیہ دیاں ودیا یونیورسٹیاں چ اتلی پرھر تے رہن والی یونیورسٹی اے۔ آکسفورڈ لگاتار دنیا دیاں دس ودیا یونیورسٹیاں چ آرئی اے۔ ایہ یورپ دیاں ودیا تے کھوج پرکھ کرن والیاں یونیورسٹیاں چ آندی اے۔
آکسفورڈ یونیورسٹی | |
ماٹو: | رب میرا چانن اے۔ |
بنی: | 1096 |
پڑھاکو: | 21،535 |
چانسلر: | کرس پیٹن |
تھاں : | آکسفورڈ ، برطانیہ |
دان کیتے پیسے | 3.316 بلین پاؤنڈ |
ویب سائیٹ | |
یونیورسٹی پڑھائی ہفتہ وار ٹیوٹوریل تے اوہدے نال استاداں دے لیکچر، لیبارٹری پریکٹیکل دے دوالے کمدی اے جینوں آکسفورڈ دے کالج تے ہال آپ بندوبست کردے نیں۔ ایہ یونیورسٹی 38 کالجاں تے 6 پرائیوٹ ہالاں نال رل کے بندی اے۔ ایس یونیورسٹی دے پڑھے ہوۓ لوک ودھیا پڑھاکو، سینسدان، کھوجی، فوجی، سیاسی آگو تے لکھاری منے گۓ۔ یونیورسٹی دے 32 ّپڑھاکواں نے سائینس وچ نوبل انعام لۓ۔