چارلس ڈارون
From Wikipedia, the free encyclopedia
چارلس ڈارون (12 فروری 1809 – 19 اپریل 1882) فطرت دا کھوجی سی جینے اس گل نوں سمجیا تے فیر اکہاں کھولن والے ثبوتاں نال دسیا جے جندڑی دیاں وکھو وکھ قسماں رلویں پرکھاں توں بنیاں نیں[1] تے اے سارا کم فطری چناو نال ہویا اے۔ اوس دی ارتقا دی سوچ نوں اوہدی جندڑی چ ای سائنسی برادری تے عام لوکاں نے من لیا سی تے ہن ارتقا تے فطری چناو سائنسی پڑھائی دی نیو اے تے اینوں ساری دنیا من دی اے تے سلیبس دا حصہ اے۔ اونے اپنیاں سوچاں نوں منن والے سبوتاں نال اپنی کتاب نسلاں دا مڈھ تے 1950 دے وشکار ہون والیاں سائينسی کھوجاں دے نتارے چ اے گل سامنے آئی نیچرل سیلیکشن جیون دے ارتقا دی نیو اے۔
چارلس ڈارون | |
جمیا: | 12 فروری 1809 شروزبری، شروپشائر، انگلینڈ |
مریا : | 19 اپریل 1882 ڈاؤن، کینٹ ، انگلینڈ |
گن: | سائینسی لکھاری |
دسخط: | |
اجکل ڈارون دی تھیوری لائف سائینسز نوں کٹھیاں کرن والی تھیوری اے تے زندگی چ جیہڑی رنگا رنگی اے اے تھیوری اینون دسدی اے۔ نیچرل سائینس نوں پڑھن تے فیر دنیا دے دوالے چکر کٹن دے مگروں نیچرل سیلیکشن دی تھیوری اودےی سوچ وچ 1838 نوں آئی۔ اونے اپنیاں سوچاں کئی فطرت دے گروواں نوں دسیاں پر اوہنوں ایدے ہور سبوت کٹھے کرن لئی ویلے دی لوڑ سی۔ 1858 چ اوہ اپنی تھیوری نوں لکھ ریا سی جدوں ایلفریڈ رسل ویلس نے اک آرٹیکل جیدے وچ اوہدے ورگیاں سوچاں ای سن ڈارون ول کلیا تے ایس تے فیر اونے اپن تے ویلس دی تھیوری کٹھی چھاپی۔
ڈارون نوں مرن تے اوہدے کماں نوں مانتا دیندیاں ہویاں عزت نال ویسٹ منسٹر ایبی، لندن وچ نیوٹن تے ہرشل نال دبیا گیا۔ ڈارون انسانی تریخ دے منے پرمنے لوکاں وچوں سی۔