Minca
From Wikipedia, the free encyclopedia
Minca (tudestg München?/i [ˈmʏnçn̩] u [ˈmʏnçən]; bavarais Minga?/i [ˈmɪŋ(ː)ɐ]) è la chapitala da la Baviera. Cun 1,5 milliuns abitants furma ella (suenter Berlin e Hamburg) la terz gronda citad da la Germania. La regiun metropolitana Minca dumbra var 6 milliuns abitants.
Minca München | |
— Citad — | |
---|---|
La citad veglia cun la Baselgia da Nossadunna (Frauenkirche) | |
Vopna | |
Administraziun | |
Stadi | Germania |
Pajais federativ Bundesland |
Baviera |
District guvernativ Regierungsbezirk |
Baviera Sura |
Circul rural Landkreis |
nagin |
Territori | |
Autezza | 519 m s.m. |
Surfatscha | 310,70 km² |
Populaziun | 1 512 491 abitants (31 da december 2022) |
Spessezza | 4868 ab./km² |
Districts | 25 |
Autras infurmaziuns | |
Numer postal | 80331–81929 |
Preselecziun | 089 |
Numer da l'auto | M, MUC |
Abitants | Münchner |
Internet | |
Pagina-web uffiziala |
Sco center da cultura, politica, scienzas e medias tutga Minca tar las citads mundialas. Ultra da quai han qua divers concerns tudestgs da muntada internaziunala lur sedia (t.a. Allianz, BMW e Siemens).
La citad è documentada l’emprima giada l’onn 1158. L’onn 1255 è ella daventada sedia dal duca da la Baviera; dapi il 1314 figurescha ella sco citad residenziala roiala, dal 1328 fin il 1347 er imperiala. Il 1506 è Minca daventà la chapitala da la Baviera. Ozendi furma la citad la sedia da numerusas autoritads naziunalas ed internaziunalas e dispona d’universitads e scolas autas da renum. Entras il grond dumber da monuments architectonics e museums, congress ed exposiziuns, occurrenzas da sport internaziunalas e betg il davos la Festa d’october furma Minca in dals lieus centrals dal turissem internaziunal en Germania.