Roald Amundsen
From Wikipedia, the free encyclopedia
Roald Engelbregt Gravning Amundsen (Borge, 16 luglie 1872 – Mare Glaciale Arteche, 18 sciugne 1928) ha state 'nu esploratore norvegese de le reggione polare. Hagghie condotte 'a prime spediziune capace de arrivà ad 'u Pole Sud jndr'ô 1911 – 1912.
Roald Amundsen jndr'ô 1913
Amundsen, 'nzieme a Olav Bjaaland, Helmer Hanssen, Sverre Hassel, e Oscar Wisting, arrive a 'u pole 'u 14 decèmbre 1911, 35 sciurne prime d'a spediziune guidate da Robert Falcon Scott.
Da 'u momende ca nisciune de le dò spediziune avéve purtate cu sé 'u troppe 'ngombrande telegrafe senze file, l'uneche apparecchiature ca avrebbe permesse lòre de potè parlà derettamende da 'u Pole, 'u successe d'a spediziune de Amundsen fù rese pubbleche sule 'u 7 màrze 1912. Amundsen racconde 'u viaggie soje jndr'ô libbre The South Pole: An Account of the Norwegian Antarctic Expedition in the Fram, 1910-1912.
'Mbrecedenze Amundsen avéve già date 'na prove d'u soje valure pigghianne 'u comanne d'a spediziune ca jndr'ô 1905-1906 a borde d'u sckife Gjöa (o Gjøa) avéve combiute 'a prime traversate d'u Passaggie a Nordovest d'a baie de Baffin ad 'u stritte de Bering. 'A missione hagghie avute pure n'otre 'mbortande successe sciedifiche purcè jè riuscite a determinà 'a posizione d'u pole magnetiche boreale.
Amundsen hagghie tendate de arrevà pure a 'u Pole Nord. Prove prime cu le idrovolande me non g'aví successe.
Le 'mbrese 'nvece aví successe a le ore 1:30 d'u 12 másce 1926 quanne Amundsen riuscì a sorvolà 'u Pole Arteche 'nzieme a 'u finanziature americane Lincoln Ellsworth e a le tagliàne Umberto Nobile. Le ttrè (oltre a cinghe meccaniche tagliàne e uètte marinaie norveggese) volarene sus ô dirigibbele Norge quagghiate e guidate da ô stesse Umberto Nobile. Da 'u dirigibbele fùrene ménate sus 'u Pole le bandiere tagliàne, norveggese e statunitense.
Mùere jndr'ô 1928 jndre 'nu incidende aeree avvenute sus a le cièle d'u Mare Glaciale Arteche. Venute a sapè de l'incidente d'u dirigibbele Itaglie, scè 'n mode generose jndr'ô soccorse de l'esplorature tagliàne Umberto Nobile e d'u soje equipaggie, pure ce aví avute cu jidde forte discussione reguarde a le merite d'a precedende avvendure aeronautiche cu 'u dirigibbele N1-Norge ("Norveggie"), me 'u velivole a pattine frangise sus a cui salì sparèsce jndr'ô mare senze maie essere retrovate.