காற்று மாசுபாட்டின் அடிப்படையில் நாடுகளின் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
காற்று மாசுபாட்டின் அடிப்படையில் நாடுகளின் பட்டியல் (List of countries by air pollution) உலக நாடுகளை அவற்றின் சராசரி அளவிடப்பட்ட துகள்களின் செறிவு ஒரு கன மீட்டருக்கு எவ்வளவு மைக்ரோகிராம்கள் உள்ளது என்ற அளவின் அடிப்படையில் (µg/m³) வரிசைப்படுத்துகிறது. உலக சுகாதார அமைப்பின் பரிந்துரைக்கப்பட்ட வரம்பு ஒரு கன மீட்டருக்கு 10 மைக்ரோகிராம் ஆகும். இருப்பினும் பல்வேறு தேசிய வழிகாட்டுதல் மதிப்புகள் நடைமுறையில் உள்ளன. அவை பெரும்பாலும் இதைவிட அதிகமாகவே இருக்கும். காற்று மாசுபாடு என்பது நவீன தொழில்துறை சமூகத்தின் மிகப்பெரிய உடல்நலப் பிரச்சினைகளில் ஒன்றாகும். இது உலகளவில் 10 சதவீதத்திற்கும் அதிகமான இறப்புகளுக்கு காரணமாகிறது. 2019 ஆம் ஆண்டில் கிட்டத்தட்ட 4.5 மில்லியன் அகால மரணங்கள் காற்று மாசுபாட்டால் நிகழ்ந்துள்ளன. காற்று மாசுபாடு உடலின் ஒவ்வொரு உறுப்பு மற்றும் அமைப்புகளையும் பாதிக்கலாம் என்றும் அது இயற்கையையும் மனிதர்களையும் எதிர்மறையாக பாதிக்கிறது என்றும் தி லான்செட்டு என்ற மருத்துவ செய்தி இதழ் தெரிவிக்கிறது. குறிப்பாக வளர்ந்து வரும் மற்றும் வளரும் நாடுகளில் காற்று மாசுபாடு ஒரு பெரிய பிரச்சனையாகும். அங்கு உலகளாவிய சுற்றுச்சூழல் தரநிலைகள் பெரும்பாலும் பின்பற்றப்படுவதேயில்லை. இந்த பட்டியலில் உள்ள தரவுகள் வெளிப்புற காற்றின் தரத்தை மட்டுமே குறிக்கின்றன. உட்புற காற்றின் தரம் இங்கு கணக்கில் கொள்ளப்படவில்லை. உட்புற காற்றின் தரத்தையும் கணக்கில் கொண்டால் 2019 ஆம் ஆண்டில் கூடுதலாக இரண்டு மில்லியன் அகால மரணங்களை நிகழ்ந்துள்ளதாகக் கருதலாம்.[1]