குகை ஓவியம்
From Wikipedia, the free encyclopedia
குகை ஓவியம் அல்லது பாறை ஓவியம் என்பது, குகைகள், பாறைகள் போன்றவற்றில் வரையப்பட்ட பண்டைக்கால ஓவியங்களைக் குறிக்கும். இவை பொதுவாக, வரலாற்றுக்கு முற்பட்ட காலங்களைச் சேர்ந்தவை. குகை ஓவியங்கள், 40,000 ஆண்டுகள் வரை பழமையான, மேற் பழைய கற்காலக் காலத்திலிருந்தே வரையப்பட்டதாகத் தெரிகிறது. இவ்வோவியங்கள் பெரும்பாலும் சமூகத்தின் மதிப்புக்குரிய மூத்தோராலேயே வரையப்பட்டதாக நம்பப்படுகிறது.