துருத்தி
காற்று அழுத்தி / From Wikipedia, the free encyclopedia
துருத்தி (ஆங்கிலம்-Bellows)என்பது, வளியை அமுக்கிக் கட்டுப்பாடான அளவில் ஒரு குறித்த இடத்தை நோக்கிச் செலுத்துவதற்காகப் பயன்படும் ஓர் அமைப்பு ஆகும். அடிப்படையில் இது, துளைவாய் ஒன்றைக் கொண்ட, கனவளவை மாற்றக்கூடிய ஒரு கொள்கலன் எனலாம். துருத்தியின் கனவளவைக் குறைக்கும்போது துளைவாயினூடாக வளி வெளியேறும். பொதுவாகத் துருத்திகளில் வளி உள்ளே செல்வதற்காகத் தனியான வழி இருக்கும். இதில் தடுக்கிதழ் பொருத்தப்பட்டிருப்பதனால், துருத்தியின் கனவளவைக் குறைக்கும்போது இவ்வழியாக வளி வெளியேறுவதில்லை. துருத்தி பல்வேறு துறைகளில் பல்வேறு தேவைகளுக்காகப் பயன்படுகின்றது. தொழில்துறைகளிலும், இசைத்துறையிலும் கூட பல்வேறு கருவிகளில் துருத்தி ஓர் உறுப்பாக உள்ளது.