பின்னணிக்காட்சி அமைப்பு
From Wikipedia, the free encyclopedia
பின்னணிக்காட்சி அமைப்பு (Set construction) என்பது ஒரு திரைப்படத்தில், ஒரு தொலைக்காட்சி நிகழ்ச்சியில் அல்லது ஒரு நாடகத்தில் வரும் காட்சிச் சூழலைக் குறிப்பதற்காகச் செயற்கையாக முழு அளவுக்கு உருவாக்கப்படும் ஒரு அமைப்பு ஆகும். பார்வையாளர்களைக் கதையின் களத்துக்குள் கொண்டு செல்வதில் பின்னணிக் காட்சியமைப்புக்கு முக்கிய பங்கு உண்டு. அத்துடன், திரைப்படக் காட்சிகள் நம்பத்தக்கவையாகவும், வேண்டிய உணர்ச்சிகளைப் பார்வையாளர்கள் மத்தியில் உருவாக்குவையாகவும் இருப்பதற்கு முறையான பின்னணிக்காட்சி அமைப்பு மிகவும் அவசியம். இதனாலேயே திரைப்படங்களில் இவற்றை உருவாக்குவதில் பெருமளவு உழைப்பும், கற்பனைத் திறனும் உள்ளிடப்படுகின்றன.