జేమ్స్ వెబ్ స్పేస్ టెలిస్కోప్
అంతరిక్షంలో ఉండి పనిచేసే వేధశాల / From Wikipedia, the free encyclopedia
జేమ్స్ వెబ్ స్పేస్ టెలిస్కోప్ (జేమ్స్ వెబ్ లేదా " వెబ్బ్") అనేది అంతరిక్షంలో ఉండి పనిచేసే టెలిస్కోపు. దీన్ని హబుల్ స్పేస్ టెలిస్కోప్కు వారసురాలిగా రూపకల్పన చేసారు. [6] [7] జేమ్స్ వెబ్ లో హబుల్ కంటే మెరుగైన ఇన్ఫ్రారెడ్ రిజల్యూషన్, సున్నితత్వం ఉన్నాయి. విశ్వంలో తొలి గెలాక్సీలు ఏర్పడడం వంటి కొన్ని సుదూర సంఘటనలను, వస్తువులనూ పరిశీలించడంతో సహా ఖగోళ శాస్త్రానికీ, విశ్వం ఆవిర్భావానికీ సంబంధించిన రంగాలలో విస్తృతమైన పరిశోధనలు దీని ద్వారా చెయ్యవచ్చు. నక్షత్రాలు, గ్రహాల ఆవిర్భావాన్ని అర్థం చేసుకోవడం, బయటి గ్రహాలను, నోవాలనూ నేరుగా పరిశీలించడం మొదలైనవి జేమ్స్ వెబ్ ద్వారా కలిగే ఇతర ప్రయోజనాలు. [8] [9]
మిషన్ రకం | అంతరిక్ష స్థిత అబ్సర్వేటరీ |
---|---|
ఆపరేటర్ | నాసా / యూరపియన్ స్పేస్ ఏజన్సీ / CSA / స్పేస్ టెలిస్కోప్ సైన్స్ ఇన్స్టిట్యూట్[1] |
COSPAR ID | 2021-130A |
SATCAT no. | 50463 |
వెబ్ సైట్ | |
మిషన్ వ్యవధి | 5 సంవత్సరాలు (డిజైను) 10 సంవత్సరాలు (లక్ష్యం) |
అంతరిక్ష నౌక లక్షణాలు | |
తయారీదారుడు | నార్త్రాప్ గ్రుమ్మన్ బాల్ ఏరోస్పేస్ |
లాంచ్ ద్రవ్యరాశి | 6,500 kg (14,300 lb)[2] |
కొలతలు | 20.197 m × 14.162 m (66.26 ft × 46.46 ft) (సౌరకవచం) |
శక్తి | 2,000 వాట్లు |
మిషన్ ప్రారంభం | |
ప్రయోగ తేదీ | 30 మార్చి 2021 (అంచనా)[3] |
రాకెట్ | ఏరియేన్ 5 ఇఎస్ఏ |
లాంచ్ సైట్ | గయానా అంతరిక్ష కేంద్రం, కౌరు. ELA-3 |
కాంట్రాక్టర్ | ఏరియేన్స్పేస్ |
కక్ష్య పారామితులు | |
రిఫరెన్స్ వ్యవస్థ | సూర్యుడు-భూమి వ్యవస్థ లోని L2 బిందువు |
రెజిమ్ | హేలో కక్ష్య |
Periapsis altitude | 374,000 km (232,000 mi)[4] |
Apoapsis altitude | 1,500,000 km (930,000 mi)[4] |
వ్యవధి | 6 నెలలు |
ఎపోచ్ | plan |
Main | |
రకం | Korsch telescope |
వ్యాసం | 6.5 m (21 ft) |
నాబ్యంతరం | 131.4 m (431 ft) |
సేకరణ ప్రాంతం | 25.4 m2 (273 sq ft)[5] |
తరంగ దైర్ఘ్యములు | from 0.6 μm (orange) to 28.3 μm (mid-infrared) |
ట్రాన్స్పాండర్లు | |
బ్యాండ్ | S-band (TT&C support) Ka band (data acquisition) |
బ్యాండ్ వెడల్పు | S-band up: 16 kbit/s S-band down: 40 kbit/s Ka band down: up to 28 Mbit/s |
మూస:Infobox spaceflight/Instruments | |
James Webb Space Telescope insignia |
జేమ్స్ వెబ్ ప్రాథమిక దర్పణాన్ని ఆప్టికల్ టెలిస్కోప్ ఎలిమెంట్ అంటారు. ఇది బెరీలియంతో తయారు చేసి, బంగారు పూత పూసిన 18 షట్కోణ ఫలకాలతో కూడుకున్న పెద్ద దర్పణం. దీని వ్యాసం 6.5 మీటర్లు. 2.4 మీటర్ల హబుల్ టెలిస్కోపు దర్పణం కంటే ఇది చాలా పెద్దది. హబుల్, సమీప అతినీలలోహిత, దృగ్గోచర, పరారుణ (0.1 నుండి 1 μm) వర్ణపటం లోని వికిరణాన్ని గమనిస్తుంది. జేమ్స్ వెబ్ ఇంకా తక్కువ పౌన:పున్యం (ఫ్రీక్వెన్సీ) లో, దీర్ఘ-తరంగదైర్ఘ్యం గల దృగ్గోచర కాంతి నుండి మధ్య-పరారుణ (0.6 నుండి 28.3 μm) వరకు గమనిస్తుంది. దీనివలన ఇది, హబుల్ చూడలేనంత దూరాన ఉన్న పురాతన వస్తువులను, చాలా ఎక్కువ రెడ్షిఫ్ట్ గల వస్తువులనూ గమనించగలదు. పరారుణంలో ఏ అడ్డంకులూ లేకుండా పరిశీలించ గలిగేందుకు గాను టెలిస్కోపును అతి శీతల పరిస్థితులలో ఉంచాలి. అందుచేత జేమ్స్ వెబ్ను అంతరిక్షంలో భూమి-సూర్యుల L2 లాగ్రాంజియన్ బిందువు దగ్గర మోహరిస్తారు. సిలికాన్, అల్యూమినియం- పూత పూసిన కాప్టన్[నోట్స్ 1] లతో చేసిన పెద్ద సౌరకవచం దర్పణాన్నీ, పరికరాలనూ -220oC వద్ద చల్లగా ఉంచుతుంది.
జేమ్స్ వెబ్ ను నాసా, యూరోపియన్ స్పేస్ ఏజెన్సీ, కెనడియన్ స్పేస్ ఏజెన్సీల సహకారంతో అభివృద్ధి చేస్తోంది. 1961 నుండి 1968 వరకు నాసాకు అధినేతగా ఉన్న జేమ్స్ ఇ. వెబ్ పేరిట దీనికి ఈ పేరు పెట్టారు. అతడు అపోలో కార్యక్రమంలో పనిచేసాడు. [10] [11] 2007 లో అంతరిక్షంలోకి పంపించాలనే లక్ష్యంతో 1996 లో వెబ్ అభివృద్ధి మొదలుపెట్టారు. కాని ఈ ప్రాజెక్టులో చాలా జాప్యం జరిగింది, వ్యయం పెరిగింది. 2005 లో దీని రూపకల్పనలో పెద్ద మార్పులు చేసారు. ఎట్టకేలకు 2016 అంతానికి జెడబ్ల్యుఎస్టి నిర్మాణం పూర్తయింది. తరువాత విస్తృతమైన పరీక్షల దశ మొదలైంది.[12] [13] 2018 మార్చిలో మోహరింపు పరీక్ష చేసే సమయంలో టెలిస్కోపు సౌరకవచం చినిగిపోవడంతో ప్రయోగం ఆలస్యమైంది. [14] 2018 జూన్ లో ఓ స్వతంత్ర సమీక్షా మండలి చేసిన సిఫారసులకు అనుగుణంగా ప్రయోగాన్ని మళ్ళీ వాయిదా వేసారు. ప్రస్తుతం 2021 మార్చిలో ప్రయోగం చెయ్యాలని ప్రణాళిక వేసారు. [3][15] [16] టెలిస్కోపు తయారీలో ప్రధాన కాంట్రాక్టరు నార్త్రోప్ గ్రుమ్మన్.