తాగునీరు
From Wikipedia, the free encyclopedia
మానవులు త్రాగుటకు అర్హమైన స్వచ్ఛమైన నీరును తాగునీరు లేక మంచినీరు అంటారు. మానవునితో పాటు అనేక జీవులకు జీవించడానికి అత్యంత అవసరమైన పదార్థం నీరు, మానవుడు తన ఆరోగ్య సంరక్షణ కొరకు సురక్షితమైన మంచినీటిని వినియోగిస్తాడు. బాగా అభివృద్ధి చెందిన దేశాలలో గృహాలకు, వాణిజ్య, పరిశ్రమలకు తాగునీటి ప్రమాణాలు కలిగిన నీరు సరఫరా జరుగుతుంది, అయితే వాస్తవంగా వినియోగానికి లేదా ఆహార తయారీకి అవసరమయినంత నీరు అందటం లేదు. సాధారణంగా మంచినీటిని తాగటానికే కాక ఇంటిని, వంటిని కడగటానికి, బట్టలు ఉతకటానికి, వ్యవసాయ సాగుకు ఉపయోగిస్తారు. ప్రపంచంలోని పెద్ద ప్రాంతాలలో మానవుని అవసరానికి సరిపడినంత త్రాగు నీరు లభించటం లేదు, ఉన్న నీటి వనరులలో వ్యాధి గ్రాహకాలు, వ్యాధి కారకాలు ఉండి కలుషితమయి ఉన్నాయి. అనేక దేశాలలో దుర్భరమైన జీవితాన్ని గడుపుతున్న మానవులు సురక్షితమైన మంచినీటిని త్రాగేందుకు, ఆహార తయారీలో ఉపయోగించకపోవటం వలన దీర్ఘకాలిక రోగాలతో పాటు మరణానికి గురౌతున్నారు. అనేక దీర్ఘకాలిక రోగాలకు ప్రధాన కారణం స్వచ్ఛమైన మంచినీటిని ఉపయోగించకపోవటమే. నీటి ద్వారా వచ్చే వ్యాధులను అరికట్టడం అభివృద్ధి చెందిన దేశాల యొక్క ఒక ప్రధాన లక్ష్యం.
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. (10 సెప్టెంబరు 2020) సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
మానవ శరీరంలో సుమారు 70% నీటితో ఇమిడి ఉంది. ఇది జీవప్రక్రియలలో కీలకమైన భాగం. అనేక శారీరక ద్రావణాలకు ద్రావకంగా పనిచేస్తుంది.