Tanxensiałe
From Wikipedia, the free encyclopedia
Tanxensiałe, tèrmano che el deriva da ła xeometria e insiemìstega, el vien doparà par descrìvar na strada a ràpido corimento, fata sù in xone orbanixae, par parmetarghe el trànxito ai autoveìcułi sensa che i gàpia da catar diretamente ła sircołasion orbana.
Na tanxensiałe ła se połe prexentar cofà na clàsega autostrada o superstrada, a dó o pì corsie par cada senso de marsa e in calche caxo ver anca na corsia laterałe de emerjensa. Ła połe èsar a pagamento e de conseguensa prevédar caxełi par el pagamento del pedajo, e ła połe ver difarenti svìncułi in corispondensa de łe prinsipałi strade sitadine e anca de cołigamento co el restante sistema autostradałe.
Ła połe prexentarse cofà na strada a carejada ùnxoła, co na soła corsia par senso de marsa, co o sensa intersesion a raxo.