ლენინგრადიშ ოლქი
From Wikipedia, the free encyclopedia
ლენინგრადიშ ოლქი (რუს. Ленинградская область) — რუსეთიშ ფედერაციაშ სუბიექტი, ნამუთ ქიანაშ ევროპული ნორთიშ ოორუე-ბჟადალ აკანს იკენს. ოლქი ოორუე-ბჟადალიშ ფედერალური ოკრუგიშ დო ოორუე-ბჟადალიშ ეკონომიკური რაიონიშ აკოდგინალუაშა მიშმურს. ოლქიშ ფართობი — 83 908 კმ² რე, ნამუთ ქიანაშ ფართობიშ 0,49% რე, თე მუნაჩემეფით, რუსეთიშ ოლქეფს შქას სიდიდათ 37-ა აბანს რე. ოლქი ბჟადალშე ბჟაეიოლშა 500 კილომეტრის რე გჷნოზინდილი, ოორუეშე ობჟათეშა — მაქსიმუმ 320 კილომეტრის. 2020 წანაშ მუნაჩემეფით, ოლქიშ მახორობა 1 876 392 ადამიერს აკმადგინანდჷ. ოლქიქ დირსხჷ 1927 წანაშ 1 მარაშინათუთას. ხეშულობაშ უმაღალაში ორგანოეფი ნოღა სანქტ-პეტერბურგის იდვალუაფჷ.
გერბი | შილა |
ქიანა | რუსეთი |
სტატუსი | ფედერაციაშ სუბიექტი |
მიშმურს | ოორუე-ბჟადალიშ ფედერალურ ოკრუგშა |
ადმინ. ცენტრი | სანქტ-პეტერბურგი |
შხუ ნოღა | სანქტ-პეტერბურგი |
შხუ ნოღეფი | გატჩინა, ვიბორგი |
მადუდე | გუბერნატორი:ალექსანდრ დროზდენკო |
ედპ (2017) ედპ ართ შურ მახორუშე | 965,8 მლრდ რუბ. (17-ა) 535,7 ვთშ. რუბ. |
ოფიც. ნინა | რუსული |
მახორობა (2020) | 1 876 392 (25-ა აბანი) |
მეჭედალა | 22,36 კოჩი/კმ² |
ფართობი | 83 908 კმ² (37-ა აბანი) |
ბორჯიშ ორტყაფუ | UTC+3 |
აბრევიატურა | RU-LEN |
ოფიციალური ვებ-ხასჷლა | |
Leningrad Oblast | |
ჯილდოეფი | |
მიკოღანკუა: |
ოლქის ოორუეშე — კარელია, ოორუე-ბჟადლაშე - ფინეთი, ბჟაეიოლშე — ვოლოგდაშ, ობჟათე-ბჟაეიოლშე— ნოვგოროდიშ დო ობჟათეშე — ფსკოვიშ ოლქეფი ეუხურგანს, ბჟაეიოლშე — ესტონეთი დო ფინეთიშ ჸუჯი. ოლქი ბჟაეიოლი ევროპაშ ვეს იდვალუაფჷ, ნამუთ თარო ვე ტერიტორიეფს იკათუანს, სიმაღალა ზუღაშ დონეშე 50-150 მეტრი. კლიმატი ატლანტურ-კონტინენტური რე, ზუღაშე მალი ჰეერიშ მასეფიშ გეშა, ზოთინჯი ზჷმიერო რგილი რე, ზარხული — ზჷმიერო ტიბუ, მინშა რგილი.