Hóe-sêng-gâm
From Wikipedia, the free encyclopedia
Hóe-sêng-gâm (火成岩; Eng-gí: igneous rock) sī gâm-chiuⁿ ia̍h iông-giâm léng-khiok kap gêng-kò͘ liáu-āu só͘ hêng-sêng ê chi̍t khoán gâm-chio̍h. Hóe-sêng-gâm hām tui-chek-gâm kap piàn-sêng-gâm sī gâm-chio̍h-khoan lāi, saⁿ khoán chú-iàu ê cho͘-sêng gâm-chio̍h.[1] Kàu-taⁿ í-keng hoat-hiān 700 goā chióng hóe-sêng-gâm, toā-poàⁿ lóng sī tē-khak tiong ê gâm-chio̍h. Chia̍p-khoàⁿ ê hóe-sêng-gâm ū hoa-kong-gâm, an-san-gâm kap hiân-bú-gâm.