Pickup(粵拼:pik1 ap1)[1],書面語叫拾音器,係一種裝喺樂器上面或者入面,將樂器某個發聲部位嘅震動轉成電子訊號嘅架生仔(爾種功能叫做 「拾音」[2]:2:26),按有冇內置擴音功能分被動式(即係純綷拾音,唔使插電)同主動式(即係有擴音功能,要用電芯)兩種;按操作原理主要分 「磁圈收音[1]」 同 「接觸式[3]」 兩大類,但係亦有其他設計,例如裝喺樂器入面或者上面嘅小型咪。有弦嘅電子樂器一般要有拾音器先出到聲,但係唔係電子嘅樂器,例如普通嘅小提琴或者鋼琴,亦都可以裝拾音器。
拾音器可以駁擴音機之後透過喇叭直接出聲,又或者駁混音器或者錄音卡(audio interface)混音、錄音或者出聲。