美國總統一覽
維基媒體一覽 / From Wikipedia, the free encyclopedia
美國總統一覽列出自1789年美國憲法生效以來,符合憲法並經過宣誓就任嘅美國總統,而唔列出之前嘅美國領導人,即根據美國聯邦條約選舉產生嘅大陸會議主席(President of the Continental Congress),以及根據美國憲法第二十五條修正案規定而暫時代理總統職務嘅歷任美國代總統(Acting President of the United States)。
「任數」一欄嘅數字表示嗰個總統係歷嚟第幾個總統,「屆數」一欄嘅數字表示嗰個總統做過第幾屆,例如佐治華盛頓係美國史上首位總統,佢連續做咗兩屆(即第一屆同埋第二屆)總統,「任數」一欄係「1」,而「屆數」分別有「1」同埋「2」。Gerald Ford係喺李察尼克遜宣布辭職後以副總統身份繼任總統一職,但任期仍然係尼克遜喺上次大選勝出後連任嘅任期,雖然Gerald Ford未民選而出任總統一職,但咁並冇影響佢嘅總統任數,都係依次序當佢係第38任總統。格羅弗·克利夫蘭先後兩次贏出選舉,得到兩次唔連續嘅任期,所以記做第22任同第24任總統,由於呢個原因,雖然一共有45任總統,但實際上只有44人。
唔同背景顏色代表各個總統所屬嘅唔同政黨。