電腦科學詞彙表
From Wikipedia, the free encyclopedia
以下係電腦科學(computer science)上常用嘅詞彙一覽。
電腦科學,又叫運算科學,係專門研究運算嘅一個科學工程領域[1][2]。「電腦」廣義上指運算機械,即係曉用數據做運算,並且俾出一啲有用結果嘅機械,簡單例子:而家手上有一柞「每個學生喺呢次考試當中攞到嘅分數」嘅數據,要用呢柞數字計出邊個考第一。電腦科學就係集中思考曉做呢啲嘢嘅機械點樣表示同儲起數據、用各種嘅演算法嚟處理數據以及彼此之間傳送數據等嘅問題[3][4]。
到咗廿一世紀,電腦科學經已係一個蓬勃嘅獨立科學領域,引起咗哲學、社科同科幻等領域嘅討論,而且仲有得按照所使用嘅技術或者想達到嘅目的分做多個唔同嘅子領域。電腦科學啲子領域好多時仲要專化到彼此之間溝通唔到-所以有大量嘅專業行話詞彙[5]。