飾藝風
From Wikipedia, the free encyclopedia
飾藝風,講舊時時款趨向,美術、產品、木土都偏向表現機械[1],講求對稱、幾何綫條、平滑、流綫形,好用人工物料。出自法文Arts Décoratifs,西文短稱Art Deco甚至Deco,得自一九二五年,巴黎現代裝飾美術及産業美術國際博覧會[2]。初見法國一戰前,二十世紀一十年代。歐美二十年代至高峯,三十年代末落。唔止歐美,個款亦見於全世界。
末落皆因世界大蕭條,而到二戰就無晒喇。呢段時間趨向更着重功能,更少裝飾[3]。
飾藝風並無一定準測,定義出來亦會互相矛盾,由此可知,祇不過籠統描述當時趨向。話就機械,有時石屎樓嵌入浮雕,有時當代傢俬工藝品嵌入名貴物料。
去到六十年代,就有過一陣復興[4]。時至今日都係靈感來源,珠寶、室內裝飾、時裝時有所現。而美國紐約當時所起摩天大廈,好似佳士拿大廈、帝國大廈咁,仍可見到飾藝風特色。