CMYK色彩模式
From Wikipedia, the free encyclopedia
CMYK色彩模式,又嗌印刷四分色模式或印刷色彩模式,簡稱CMYK,係傳統四色印刷嘅數學模型,呢種色彩模式代表嘅係某種色喺實際印刷嗰陣需要溝幾多份量嘅油墨。CMYK 值通常用百分比表示,例如 0C 91M 76Y 6K 代表 「唔落青色墨,紅色墨落 91% 網,黃色墨落 76% 網,黑色墨落 6% 網」。由於佢表示嘅係油墨實際上可以印到嘅色,好多RGB色彩模式表示到嘅色佢都表示唔到。
(所謂四分分色,係指將正稿分成 CMYK 四部分,因為工業印刷嘅時候四隻色係分開印嘅。)
由於用墨量會因紙質同油墨牌子有分別,所以除非要準確控制用墨量或者控制網點(例如保證印出嚟嘅細字係冇網點嘅純色),而今一般都唔會喺 CMYK 模式做正稿,而係喺最後一個工序先將排嗮版嘅嘢一次過轉做 CMYK,呢種做法叫 RGB workflow。