Amanita ceciliae
especie de fungu / From Wikipedia, the free encyclopedia
Amanita Ceciliae ye un fungu que pertenez al xéneru de cogordes Amanita nel orde Agaricales. El so cuerpu de fructificación tien un pileu ("sombreru") que mide hasta 12 cm de diámetru, con un formatu que varia de convexu a planu. Ye abuxáu a negru amarronáu, escuru nel centru y maciu escontra los sos cantos acanalaos. Cuando ta húmeda, ye llisa y pegañosa, la superficie del pileu presenta plaques ensin xuntar, fácilmente removibles, y el color gris carbón. El tueru ye blancu, con "pelos" llisos y algama hasta 18 cm y 4 cm d'espesura, estrechándose escontra la parte cimera. Na so parte inferior hai restos de volva en forma de "petrines" d'un delicáu texíu.
Clasificación científica | ||
---|---|---|
Reinu: | Fungi | |
División: | Basidiomycota | |
Clas: | Agaricomycetes | |
Orde: | Agaricales | |
Familia: | Amanitaceae | |
Xéneru: | Amanita | |
Especie: |
A. ceciliae (Berk. & Broome) Bas (1984) | |
Sinonimia | ||
[1]
| ||
Consultes | ||
[editar datos en Wikidata] |
Amanita ceciliae Carauterístiques micolóxiques | ||
---|---|---|
Himeniu con llámines | ||
o esplanáu | ||
Les llámines son llibres | ||
El pie tien volva | ||
Espores de color blancu | ||
La ecoloxía ye micorriza | ||
Comestibilidá: peligru | ||
[editar datos en Wikidata] |
El fungu foi descritu per primer vegada en 1854 pol británicu Miles Berkeley y Christopher Broome. Nesi momentu, foi nomáu Agaricus ceciliae, un homenaxe a Cecilia Berkeley, esposa de Miles. En 1984, el micólogu holandés Cornelis Bas tresfirió la especie al xéneru Amanita, formáu'l nome aceptáu al sieglu XXI. A pesar de ser consideráu un fungu comestible, y el so sabor ye referíu como duce, munches publicaciones d'especialistes encamienten evitar comelo.
Na naturaleza, les cogordes pueden ser atopaes creciendo soles, esvalixaos o en grupos, mientres el branu y la seronda. La especie tien preferencia pelos suelos caliares. Ye un fungu micorrízico y desenvuélvese nos montes de caducifolies, pero tamién puede asoceder asociada coles coníferes. N'Europa, la so distribución ye bien amplia, a pesar de qu'escasamente s'atopa. N'América del Norte, vive principalmente en zones al este del ríu Mississippi y el so área de distribución estender a Texas y Méxicu. Amás del so área nativa nel continente americanu, A. ceciliae tamién s'atopa n'Asia.