Coprinellus micaceus
especie de fungu / From Wikipedia, the free encyclopedia
Coprinellus micaceus, comúnmente conocida como coprino micáceo,[4] ye una especie de fungu de la familia Psathyrellaceae. Los cuerpos fructificantes (o basidiocarpus) crecen en grupos cerca o sobre toconos de madera en descomposición o nos raigaños soterraños de los árboles. Dependiendo de les sos etapes de desenvolvimientu, los sombreros acolorataos a marrones pueden presentar formes ovalaes, convexes o acampanaes, y algamar diámetros d'hasta 3 cm (1.2 in). Los sombreros, marcaos con llinies radiales fines que s'estienden cuasi hasta'l centru, tienen estipes ablancazaos d'hasta 10 cm (3.9 in) de llargor. En especímenes nuevos, tola superficie del sombreru ta recubierta con una fina capa de célules reflectantes similares a la mica, que inspiraron tanto'l nome común como científicu de la especies. Anque ye pequeñu y de carne fina, de normal son abondoses o crecen en grupos numberosos. Unes hores dempués de la recueya, les lláminas y les espores van empezar a eslleise amodo nun líquidu negro, similar a la tinta —nun procesu enzimáticu llamáu autodigestión o delicuescencia—. Los basidiocarpus son comestibles primero que les llámines se ennegrezcan y esllean, una y bones la cocción va detener el mentáu procesu de autodigestión.
Clasificación científica | ||
---|---|---|
Reinu: | Fungi | |
División: | Basidiomycota | |
Clas: | Agaricomycetes | |
Orde: | Agaricales | |
Familia: | Psathyrellaceae | |
Xéneru: | Coprinellus | |
Especie: |
C. micaceus (Bull.:Fr.) Vilgalys, Hopple & Jacq. Johnson (2001) | |
Distribución | ||
Llugares en países europeos onde s'hai documentáu la presencia del fungu.[1][2][3] | ||
Sinonimia | ||
| ||
Consultes | ||
[editar datos en Wikidata] |
Les carauterístiques microscópiques y citoxenétiques de C. micaceus son bien conocíes, y el fungu utilizóse con frecuencia como organismu modelu pa estudiar la división celular y la meiosis en Basidiomycota. L'analís químicu de los basidiocarpus revelaron la presencia de compuestos antibacterianos y inhibidores d'enzimes. Enantes conocíu como Coprinus micaceus, la especie foi tresferida al xéneru Coprinellus en 2001 por cuenta de que los analises filoxenéticos impulsaron la reorganización de les munches especies qu'antes tuvieron arrexuntaes nel xéneru Coprinus. Con base na apariencia esterna, C. micaceus ye práuticamente indistinguible de C. truncorum, y numberosos autores suxurieron que C. micaceus podría faer evolucionáu de C. truncorum.