Cárcel
llugar nel que se detien persones que tán llegalmente privaes de llibertá / From Wikipedia, the free encyclopedia
Una cárcel, cárcele o prisión ye, polo xeneral, una institución autorizada pol gobiernu onde son encarcelaes les persones consideraes pola llei como autores d'un determináu crime. Pueden ser instalaciones nes que s'encarcele a los prisioneros de guerra. Formen parte del sistema penitenciariu, que ye'l conxuntu de prisiones y l'organización respeutiva que les alministra.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'oxetivu de les prisiones o cárceles varia según les dómines y, sobremanera, les sociedaes. Los sos principales cometíos pueden ser:
- Dixebrar al convicto de la criminalidad.
- Protexer a la sociedá de los elementos peligrosos
- Disuadir a quien pretenden cometer actos contrarios a la llei.
- Reeducar al deteníu pa la so reinserción na sociedá.
- Acallantar a los oponentes políticos. Esta circunstancia produzse, de manera especial, nes dictadures, anque tamién nes democracies pueden esistir prisioneros políticos.
- Torgar que los acusaos (reos) puedan fuxir comprometiendo'l so próximu procesu, fálase, nesti casu, de prisión preventiva.[1]