Marianne Vos
From Wikipedia, the free encyclopedia
Marianne Vos (13 de mayu de 1987, Bolduque) ye una deportista neerlandesa que compite en ciclismu nes modalidaes de ruta, pista (especialista nes pruebes de puntuación y scratch) y ciclocrós. Pol so palmarés, bicampeona olímpica (Beixín 2008[3] y Londres 2012[4]), tres veces campeona mundial en carretera, dos veces campeona mundial en pista y siete veces campeona mundial en ciclocrós, ye una de les ciclistes femenines más gallardoniaes de la hestoria y la única en coronase en tres especialidad distintes.
Participó en trés Xuegos Olímpicos de Branu, ente los años 2008 y 2016, llogrando en total dos medayes d'oru, la primera en Beixín 2008, na carrera por puntos (ciclismu en pista), y la segunda en Londres 2012, na prueba de ruta femenina.[5]
Ente los sos principales ésitos en carretera tán les victories en tres ediciones del Giro d'Italia (nos años 2011, 2012 y 2014), en cinco temporaes de la Copa del Mundu de Ciclismu Femenina (2007, 2009, 2010, 2012 y 2013), en cinco ediciones de la Flecha Valona (2007, 2008, 2009, 2011 y 2013), ente otres. Amás ganó nueve medayes nel Campeonatu Mundial de Ciclismu en Ruta, nos años 2006 y 2013, y una medaya d'oru nel Campeonatu Européu de Ciclismu en Ruta de 2017.[6]
En pista llogró dos medayes d'oru nel Campeonatu Mundial de Ciclismu en Pista, nos años 2008 y 2011.[7]
En ciclocrós consiguió diez medayes nel Campeonatu Mundial de Ciclocrós ente los años 2006 y 2017, y cuatro medayes nel Campeonatu Européu de Ciclocrós ente los años 2003 y 2009.[8]