Moldavia
From Wikipedia, the free encyclopedia
Moldavia, oficialmente República de Moldavia (en rumanu Republica Moldova), ye un país d'Europa del Este, ensin salida al mar, que llenda con Rumanía al oeste y con Ucraína al norte, al este y al sur. La so capital ye Quixináu.
Moldavia | |||||
---|---|---|---|---|---|
estáu soberanu | |||||
| |||||
Himnu nacional |
Limba noastră (es) | ||||
Alministración | |||||
Nome oficial |
Moldova (ro) Republiken Moldavien (sv) República da Moldova (pt) | ||||
Capital | Quixináu | ||||
Forma de gobiernu | República parllamentaria | ||||
Presidente de Moldavia | Maia Sandu (dende 24 avientu 2020) | ||||
Primer ministro de Moldavia (es) | Dorin Recean (dende 16 febreru 2023) | ||||
Llingües oficiales |
rumanu Idioma moldavu | ||||
División |
ver
| ||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 47°15′00″N 28°31′00″E | ||||
Superficie | 33843.5 km² | ||||
% agua | 1,4 % | ||||
Costes | Nun tien | ||||
Llenda con | 1.398 km | ||||
Puntu más altu | Monte Balanesti (es) | ||||
Puntu más baxu | Ríu Nistru | ||||
Demografía | |||||
Población | 2 603 813 hab. (2022) | ||||
Densidá | 76,94 hab/km² | ||||
Xentiliciu |
moldavu[9] moldava[10] | ||||
Esperanza de vida | 71,61 años | ||||
IDH | 0,767 (2021) | ||||
Tasa de fertilidá | 1,256 (2014) | ||||
Economía | |||||
Moneda | leu moldavo (es) | ||||
PIB nominal | 13 692 230 147 $ (2021) | ||||
Más información | |||||
Dominiu d'Internet | .md | ||||
Códigu telefónicu | +373 | ||||
Códigu ISO | 498 / MDA / MD | ||||
Estaya horaria | UTC+02:00, UTC+03:00 y Europe/Chisinau (en) | ||||
moldova.md y moldova.md… | |||||
La mayoría del actual territoriu moldavu formó parte del Principáu de Moldavia ente'l sieglu XIV y 1812, cuando foi cedíu al Imperiu rusu pol Imperiu otomanu, del que Moldavia yera un estáu vasallu; de magar la rexón foi conocida como Besarabia. En 1856 la Besarabia meridional foi devuelta a Moldavia, que trés años dempués xunióse con Valaquia pa formar Rumanía; sicasí, los rusos volvieron a controlar toa la rexón en 1878. Demientres la Revolución rusa de 1917 Besarabia convirtióse brevemente nún estáu autónomu dientro la República Rusa, col nome de Repúbica Democrática Moldava. Esta entidá declaró, en febreru de 1918, la so independencia, y a continuación, esi mesmu añu, integrose en Rumanía por decisión de la so asamblea llexislativa. La decisión foi discutida pola Rusia soviética, qu'estableció en 1924, dientro de la República Socialista Soviética d'Ucraína, una república autónoma moldava (República Socialista Soviética Autónoma de Moldavia) nos territorios parcialmente habitaos por moldavos del este de Besarabia.
En 1940, de resultes del pautu Molotov-Ribbentrop, Rumanía foi forciada a ceder Besarabia y la Bucovina septentrional, a la Xunión Soviética, que formó la República Socialista Soviética Moldava, qu'incluyía la mayor parte de Besarabia y la faza más occidental de l'antigua RSSAM, la asitiada al este del ríu Dniester. El 27 d'agostu de 1991, nel contestu de la disolución de la Xunión Soviética, la república declaró la so independencia y tomó'l nome de Moldavia, y aprobó la so nueva constitución en 1994. La fastera de territoriu moldavu asitiada al oriente del ríu Dniester tien estao dende 1990, de facto, embaxu'l control del autoproclamáu gobiernu de Transnistria.
La decadencia de los sos sectores agrícola ya industrial de magar la disolución de la Xunión Soviética fizo que'l sector servicios seya'l dominante na economía moldava: representa más del 60% del productu interior brutu (PIB) del que ye'l segundu país européu con menor PIB per capita. El país, amás, ocupa'l caberu llugar de los países europeos nel llistáu del Índiz de Desarrollu Humanu: el 90ᵘ.
Moldova ye una república parllamentaria que tien un presidente como xefe del estáu y un primer ministru como xefe del gobiernu. Ye miembru de les Naciones Xuníes, el Conseyu d'Europa, la Organización Mundial del Comerciu, la Organización pa la Seguridá y la Cooperación n'Europa (OSCE), la Organización pa la Democracia y el Desarrollu Económicu GUAM, la Comunidá d'Estaos Independientes y la Organzación de Cooperación Económica del Mar Negru (BSEC).