Richard Harris
actor, cantante y guionista irlandés (1930–2002) / From Wikipedia, the free encyclopedia
Richard St. John Harris (1 d'ochobre de 1930, Limerick – 25 d'ochobre de 2002, University College Hospital (es) ) foi un actor, cantante y guionista irlandés, conocíu por haber interveníu en numberoses películes como Mutiny on the Bounty, Camelot (1967) o The Bible: In the Beginning... de John Huston, pero ensin dulda va pasar a la historia como l'aristócrata inglés prindáu en A Man Called Horse (1970).
Na so vieyera interpretó a Albus Dumbledore nos dos primeres películes de la saga "Harry Potter"; Harry Potter y la piedra filosofal (2001) y Harry Potter and the Chamber of Secrets (2002). El so últimu trabayu nel cine foi Apocalipsis (2002), de Raffaele Mertes.
Harris foi un conocíu playboy y bebedor, parte d'una xeneración d'actores británicos ya irlandeses como Albert Finney, Laurence Harvey, Peter Finch, Oliver Reed, Richard Burton y Peter O'Toole.