Suillus spraguei
especie de fungu / From Wikipedia, the free encyclopedia
Suillus spraguei ye una especie de fungu de la familia Suillaceae. Esti fungu tuvo una historia taxonómica complexa, y tamién ye frecuente que refiera como Suillus pictus na lliteratura. Los cuerpos fructificantes son identificables con facilidá, yá que tienen sombreros de color coloráu escuru cuando tán frescos y son secos al tactu, y tapizaos con pelos y escames que tán dixebraos por fisuras marielles. Na parte inferior del sombreru hai pequeños poros mariellos y angulares, que se tornen de color marrón al avieyar la cogorda. El estipe lleva un aniellu algodonosu de color abuxáu, y, polo xeneral, ta cubiertu de pelos nidios o escames.
Clasificación científica | ||
---|---|---|
Reinu: | Fungi | |
División: | Basidiomycota | |
Clas: | Agaricomycetes | |
Orde: | Boletales | |
Familia: | Suillaceae | |
Xéneru: | Suillus | |
Especie: |
S. spraguei (Berk. & M.A.Curtis) Kuntze | |
Sinonimia | ||
Consultes | ||
[editar datos en Wikidata] |
La especie crez nuna asociación micorrícica con delles especies de pinusobremanera'l pinu estrobo, y los cuerpos fructificantes, que crecen nel suelu, apaecen dende principios de branu hasta la seronda. Tien una distribución dixunta y alcuéntrase nel este d'Asia, el nordés d'América del Norte, Méxicu y en tola distribución xeográfica del árbol güéspede. La cogorda ye comestible, anque varien les opiniones sobre la so calidá. Tien una paecencia conn delles otres especies de Suillus, de les cualos S. decipiens estrechamente rellacionada, anque la especie pueden estremase poles variaciones de color y tamañu.