Chicago
From Wikipedia, the free encyclopedia
Chicago (ingelesez jeneralean ʃᵻˈkɑːɡoʊ eta tokiko mintzaeraz ʃᵻˈkɔːɡoʊ ahoskatua)[1] Ameriketako Estatu Batuetako Illinois estatuko hiri handiena da, baita herrialde osoko hirugarrena, New York eta Los Angelesen ondoren, 2,8 milioi biztanle ditu eta.
Chicago Chicago | |||
---|---|---|---|
city of Illinois (en) | |||
Administrazioa | |||
Estatu burujabe | Ameriketako Estatu Batuak | ||
Estatua | Illinois | ||
Illinoiseko konderri | Cook konderria | ||
Alkatea | Brandon Johnson (en) | ||
Izen ofiziala | City of Chicago | ||
Jatorrizko izena | Chicago | ||
Posta kodea | 60601–60827 | ||
FIPS kodea | 17-14000 | ||
Geografia | |||
Koordenatuak | 41°51′00″N 87°39′00″W | ||
Azalera | 606.424 km² | ||
Altuera | 179 m | ||
Mugakideak | Park Ridge (Illinois), Oak Park, Evanston (Illinois), Blue Island (Illinois), Skokie (Illinois) eta Des Plaines (Illinois) | ||
Demografia | |||
Biztanleria | 2.746.388 (2020ko apirilaren 1a) 30.388 (2017) | ||
Dentsitatea | 4.528,82 bizt/km² | ||
Etxebizitzak | 1.081.143 | ||
Informazio gehigarria | |||
Telefono aurrizkia | 872, 312, 773 | ||
Ordu eremua | UTC−06:00 eta UTC−05:00 | ||
Hiri senidetuak | Kiev, Vilnius, Luzerna, Akkra, Casablanca, Durban, Bogota, Mexiko Hiria, Toronto, Amman, Busan, Delhi, Lahore, Osaka, Petah Tikva, Shenyang, Atenas, Belgrad, Birmingham, Galway, Göteborg udalerria, Hanburgo, Milan, Mosku, Praga, Varsovia, São Paulo, Karatxi, Belo Horizonte, Kiryat Gat (en) , Antalya, Los Mochis, Paris, Shanghai, Sydney, New Delhi eta Manama | ||
Hizkuntza ofiziala | ingeles | ||
chicago.gov, cityofchicago.org eta cityofchicago.org |
- Beste esanahi batzuen berri izateko, ikus: «Chicago (argipena)»
Michigan Lakuaren hego-mendebaldean kokaturik, Chicagoko metropoli gunea Wisconsin, Indiana, eta Michigan estatuetara zabaltzen da. Chicagoland deritzon horrek 9.3 milioi biztanle dauzka, AEBetako hirugarrena.
1833an fundatu zen, muga hiri gisa. Gaur egun Erdi-Mendebaldeko ekonomia eta kultura-hiriburua da. AEBetan barnan, garraio, negozio eta arkitektura gunerik garrantzitsuenetakoa da. Hiriko etxe orratzak, sukaldaritza, politika ohiturak eta kirol taldeak dira haren ikur nabarmenenak.
Ekonomikoki, finantza gunea izateaz gain, merkataritza, industria, teknologia, telekomunikazioak eta garraioa dira sektore nagusiak. Dena den sektoreak nahiko orekatuta daude garai batean industriarekiko izan zuen mendekotasuna gaindituta.
Afro-estatubatuarrek populazioaren zati handi bat osatzen dute, bi bostenak baitira. Heren bat zuriak dira, laurden bat hegoamerikarrak, eta hogeiren bat Asiakoak.