Motus internationalis Crucis Rubrae et Lunae Rubrae
From Wikipedia, the free encyclopedia
Motus Internationalis Crucis Rubrae et Lunae Rubrae[1] est humanitarius inter civitates motus circa 97 miliones sociorum per orbem terrarum habens,[2] conditus ad vitam salutemque humanam protegendam, hominibus observantiam praestandam, miseriamque humanam prohibendam et adlevandam, sine ulla nationis, generis (vel phyles), religionis, classis, sexus, opinionumve politicarum distinctione.
Terminus Crux Rubra internationalis saepe auditus, profecto falsus est, nam nulla societas publica hoc nomen ferens exstitit. Motus re vera multis in societatibus distinctis consistit, quae legitime sunt liberae inter se, sed intra motum coniunguntur per principia prima, locos qui petuntur, signa, leges, et organa rectionis. Motus partes:
- Consilium internationale Crucis Rubrae est humanitarium institutum privatum Genavae in Helvetiae urbe anno 1863 ab Ioanne Henrico Dunant conditum. Iure gentium humanitario, vel Conventu Genevanses haec consilia viginti quinque sociorum unicam potestatem ad vitam honestatemque vexatorum a certaminibus inter intraque civitates protectandam tenet.
- Foedus internationale societatum Crucis Rubrae et Lunae Rubrae, conditum anno 1919, hodie opera 186 nationalium Crucis Rubrae et Lunae Rubrae societatum intra hoc motum temperat.
- Societates nationales Crucis Rubrae et Lunae Rubrae exstiterunt paene omnibus in mundi civitatibus etiam in casu calamitatis naturalis. Hoc tempore 186 societates nationales exstant, quae apud se laborant, secundum leges internationales humanitarias.