எரெசு
From Wikipedia, the free encyclopedia
எரெசு என்பவர் கிரேக்கப் பழங்கதைகளில் கூறப்படும் போர்க் கடவுள் ஆவார். இவர் பன்னிரு ஒலிம்பியர்களில் ஒருவரும் சியுசு மற்றும் எரா ஆகியோரின் மகனும் ஆவார்.[1] இவருக்கு இணையான ரோமக்கடவுள் மார்ஸ் ஆவார்.
எரெசு | |
---|---|
அத்ரியன் வில்லாவில் உள்ள எரெசுவின் சிலை | |
இடம் | ஒலிம்பிய மலைச்சிகரம் |
துணை | அப்ரோடிட் |
பெற்றோர்கள் | சியுசு மற்றும் எரா |
சகோதரன்/சகோதரி | சியுசின் அனைத்து பிள்ளைகளும் |
குழந்தைகள் | எரோடிசு எரோசு மற்றும் அன்டெரோசு, போபோசு, தெய்மோசு, ஆர்மோனியா, திரேசு, அட்ரெசுடியா |
போர்க்கலையில் சிறந்தவராக எரெசு பொதுவாக அறியப்பட்டாலும், ஓமர் எழுதிய இலியட் காப்பியத்தில் எரெசு சற்று கோழையாகவே சித்தரிக்கப்படுகிறார். இவரது தமக்கையான ஏதெனா திட்டம் வகுத்து போரிடுவதால் போர்க்கலையில் சிறந்தவராகவும், எரெசு சற்றும் திட்டம் வகுக்காமல் வன்முறையில் இறங்குபவராகவும் வர்ணிக்கப்படுகிறார்கள்.
அப்ரோடிட் மற்றும் ஏரெசு ஆகிய இருவரும் காதலித்தனர். ஆனால் சியுசு அவரை எப்பெசுடசுவிற்கு கட்டாய திருமணம் செய்து வைத்தார். பிறகு எப்பெசுடசுவிடம் பாலுறவு திருப்தி கிடைக்காததால் அப்ரோடிட் பல அழகான ஆண்களுடன் உறவாடினார். அவருக்கு எரெசு மூலம் எரோசு, அன்டெரோசு, போபோசு, டெய்மோசு, ஆர்மோனியா மற்றும் அட்ரெசுடியா ஆகியோர் பிறந்தனர்.